Popular Bible Verses from Matíó 28

શેર કરો

Nɔ́ ákáná nə́ə ɔ bɛndɔ bá mɔnɔŋɔ məkimə, bá bámɛ́nɛ́ná bámɛ́á bɔkɔ́nɛna; nɔ́ bəə́bú nɛsɔa índíə́kínə, ɔ niínyə nɛ́ Isə́, na nɛ́ Mɔná, na nɛ́ Umbúínyi Mɔnaŋanaŋa; nɔ́ bəə́bu bɛkɔa bikimə úkúnə́kíə́ na bɛɛ́ta ɔbɛ́kɛna ɔbɛ́á mɛ ná bənú mánɛ́na. Nɔ́ nɔ́yɛ́ manyá ɔwá, mɛ báka na bənú mɔɔsɛ́ məkimə ɔkafámáká ɔ nisúki nɛ́ misí.»

Yə́susu a ná bɛ́nyálɛ́la ɔ uwəbú ɛmɛ́ŋɛ́, a sɛ́á: «Huɛlɛ́ a ná mɛaŋɔ́á iŋgínə́ yɛ nɛmanɛna nikimə índíə́ ɔ misí na ɔ nɔɔ́mɛná.

Mba, yɛ́ɛ́yɛ́ áŋgɛlɛ a ná bəəndú lɛ́na a sɛ́á: «Uwənú, nɔ lɛ kɔ́lɔ́má bɔ́ányɛ, mɛ ndɔ manya muɛsɛ ɔwá a Yə́susu nɔ ndɔ siə, wɛ́ɛ́yɛ́ ɔwá bá ná ɔ́mɔ́kɛ́na ɔ ɔmbásá. A lɛ báá háha, ɔ taká, a ná hɔŋɔ́á ɛ́sɛ́á a ná nɔ́yɛ́ laa. Nɔ́ sɔ́nɔ, nɔ́ siəlínə́ ɔ ɛbɔ́ka ɔyɛ́á bá ná wə́yíə́ umimə siəníníə́.

Nɔ́yɛ́, Yə́susu a sɛ́á: «Nɔ lɛ kɔlɔma, nɔ́ ákáná nɔ́ ká bámɛ́á bənínyə́ lɛ́na ɔwá, bá ákáná ɔ Kalɛ́lɛa; ɔ umə́ bá ŋɔ mɛaŋɔ́á siəkinə.»

Ɛnaka bisə́lúkú bɛ́ bətitiəmahánɛna na bɛnatákɛ bɛ́ Bɛyútɛnɛ bá kɔtákána, bá ná ɔ́kɔnɔ; bá ná bɔkɔfɔnɛa bɛcácɔ́ índíə́ biəŋí, bá sɛ́á: «Nɔ ŋɔ laa náana nɔ sɛ́á: “Báyɛ́á bɔkɔ́nɛna bá ná ndá wə́yíə́ umimə óbó nəbulúə́ bəsú ɔ hinó.” Ábá mɔmanɛna a ná bɔ́táyɛ́ bɔkɔa ɔ́kɔ́, bəsú tɔ ŋɔ manya nəníə́ tɔ wɛɛ́ya nífúnə́kínə́ mbá nɔ sɔ́ ŋɔ fínə ɔ məsə́kə.» Bɔkɔfɔnɛa bá ná bɛ́ɛ́yɛ́ bɛcácɔ́ ɛ́ta, bá ná kɛ́áká ɛ́sɛ́á bá ná bəə́bú lakɛ́na. Bɔ́táyɛ́ bɔkɔa bɔ́ ná yambána ɔ ətíə́ yɛ Bɛyútɛnɛ ɔ ndafámáká ɔ yɛ́ɛyɛ niɔfɛ́nɛ.