Popular Bible Verses from Matíó 24

શેર કરો

Bɔbɛ́á bɔ́ ŋɔ áŋánaka ɔ bɛbɔ́ka bikimə ɔ nindínə́ ɔnɛ́á, nibo nɛ́ ɔmbana muiŋí nɛ́ támbɔ́á. Mba, wɛ́ɛ́yɛ́ ɔwá a ŋɔ ɔ́nɛ́na ɔkafámáká ɔ nisúki, Huɛlɛ́ a ŋɔ wɛɛ́ya nuəkəniə.

Bá ŋɔ yɛ́ɛ́yɛ́ Imbə́nú Yɛɛsɛ yɛ́ Nɛmanɛna nɛ́ Nɔɔ́mɛná nɔŋɔnakɛna ɔ bɛndɔ bá misí mikimə ɔkɛaka ɔwá, balɛmanyáhuɛlɛ́ bəkimə bá yɛɛ́ta ɔ́kɔ́kɛ́na. Əlimə yɛ nɔ́yɛ́ mbá nisúki nɛ́ misí nɛ́ ndáfama.

Ikúílí ɔyɛ́á nɔ ŋɔ ɔ́kɔ́kɛna bá ndɔ laa ɔwá, mɔnɔŋɔ má lɛa ɔ bilə́, ata ɔwá bilə́ bɛ́ lɛa ɔ ɔsákɔna, nɔ lɛ kɔ́lɔ́má ata bɔkɔa bɔkɔasɛ́á, bɛ́táyɛ́ bɛkɔa bɛ́ ná hɔ́ánána bɛ́ bɛ́kɛ́áka, mba, tátá ɔ́ nisúki nɛ́ bɛkɔa.

Bɔnɔŋɔ bɔ́ ŋɔ ɔsɔ́kɔ́ bɔnɔŋɔ nuəkiə, nɛmanɛna nɛ́ ŋɔ nɛ́mɔtɛ́ nɛmanɛna kásɔ́na; mɛtaná yɛ́ ŋɔ báá ɛmbáta, misí yɛ́ ndandamaka ɔ bɛbɔ́ka. Bɛ́ɛ́yɛ́ bɛkɔa bikimə bɛ́ ŋɔ báá ɛ́sɛ́á məsə́kə má nibotólíníə́ nɛ́ nɛyɛ́bɛ́na.

Misí na nɔɔ́mɛná yɛ́ ŋɔ tɔ́mba, mba, bɛ́ámɛ́á bɛtambá bɛ́ sa ndátɔmba.

Ɔ taká, bɛndɔ bəəŋí bá ŋɔ húlə́kə ɔ ɔwámɛ niínyə, bá sɛ́á: «Mɛaŋɔ́á mɛ lɛ́á Mɛ́sia.» Bá ŋɔ bɛndɔ nímbə́kə bəəŋí.

Nɔ́yɛ́, bɛndɔ bá ŋɔ bə́nú təkəsəkə, bá ŋɔ bənú ɔ́nɔ́kɔ. Balɛmanyáhuɛlɛ́ bá ŋɔ bənú bányáka ɛlɔ́áyɛ́ nɛ́ámɛ́á niínyə. Nɔ́yɛ́, ilumininə yɛ́ bɛndɔ bəəŋí yɛ́ ŋɔ yɔtɔ. Bá ŋɔ halɛakɛnana, bá ŋɔ bányákana bəə́bu na bəə́bu. Bɔhɛ́nátɔtányɛ́ bá bɛkanja bá ŋɔ fámáka, bá ŋɔ bɛndɔ bəəŋí nənəkiə.

Yə́susu a sɛ́á: «Nɔ́ bíkókósókíə́, ata mɔndɔ a lɛ bənú nimbə.»

Ɛlɔ́áyɛ́ nɔ́yɛ́, bənú tɔ́na nɔ báá ɛmbɛnyɛ́ bikúílí bikimə bɔkɔasɛ́á Mɔná wa mɔndɔ a ŋɔ ndahíáná ɔ ikúílí ɔyɛ́á nɔ lɛ ndɔ manya.

Nɔ báá ɛmbɛnyɛ́ bɔkɔasɛ́á nɔ lɛ ndɔ buɔsɛ́ manya ɔbɔá Isə́lúkú a ŋɔ ndahiana.

Ɛlɔ́áyɛ́ buɔsɛ́ mbá ata ɔŋgɛ́ŋɛ́, ata mɔndɔ ɔmɔtɛ́ a lɛ ndɔ manya, ata bɛáŋgɛlɛ bɛ́ nɔɔ́mɛná, ata Mɔná wa Huɛlɛ́, ɔ́maná á Isə́ bíbúə́ a ndɔ manya.

Ɔ taká, bɛmɛ́sia bɛ́ bɛkanja na bɔhɛ́nátɔtányɛ́ bá bɛkanja bá ŋɔ fámáka, bá ŋɔ tɔŋgɛtɛ́nɛ́á tɔ́ yələ́mənə na bɛkɔa bɛŋɛ́ŋa kɛaka ɔkɛaka ɔwá, bá nímbə́kə́ ata báyɛ́ ɔbá Huɛlɛ́ a ná tɛfa.

Yatɛ́ ɔyɛ́á yɛ́ ná bɛ́kɛ́áka ɔ ikúílí yɛ́ Nɔ́wa, yɛ́ ŋɔ bɛ́kɛaka hɔ́ánánátɔ́ ɔ ikúílí ɔyɛ́á Mɔná wa mɔndɔ a ŋɔ ndahiana. Ɔ taká, ɔ yɛ́táyɛ́ ikúílí, ubusíə́ ɔbɔ́á mulumə mɔŋɛ́ŋa wɔ́ fɛndáka, bɛndɔ bá lɛ nɛ́áka, bá nyákɛna, bá bɛ́lɛakɛnana, bá milóní lónokiə ɔkafámáká ɔ buɔsɛ́ ɔbɔá Nɔ́wa a ná fínə́ ɔ isóyí; ɔ ikúílí ɔyɛ́á mulumə mɔŋɛ́ŋa wɔ́ ná fɛ́ndáka, bá sa bɛ́manya, wɔ́ ná bəə́bu bəkimə hɔmbɛ́na. Nɔ́yɛ́ tɔ́na yɛ́ ŋɔ bɛ́kɛaka ɔ ikúílí ɔyɛ́á Mɔná wa mɔndɔ a ŋɔ ndahiana.