Popular Bible Verses from Matíó 19

શેર કરો

Yə́susu a ná bə́əbu məə́sə tala, a sɛ́á: «Yatɛ́ ɔyɛ́á yɛ́ lɛ́á ányákátɔ́ ɛlɔ́áyɛ́ bɛndɔ, yɛ́ lɛa ndɛ́ndɛlɛ́á á Huɛlɛ́ busíə́.»

Bá lɛ báá tɔ́na báfandɛ́, mba, bá báka mɔndɔ ɔmɔtɛ́.” Nɔ́yɛ́, mɔndɔ a lɛ báá hɔ́ánánátɔ́ ɔ ɔwalɔ́na yatɛ́ ɔyɛ́á Huɛlɛ́ a ná tɔa!»

A ná bɛ́kámɔ́sɔ́na a sɛ́á: «Nɔ́ sa fana ɔ Mətilə ɛ́sɛ́á Mukətiə, ɔ nɛbalɛ́ná, a ná mɛlɛ́mɛndɔ́ na muəndú tábɔ́naka; a sɛ́á: “Ɔ́ ɛlɔ́áyɛ́ nɔ́yɛ́ mɛlɛ́mɛndɔ́ a ŋɔ isə́ na inyə́ tíkə ɔkɛaka ɔwá, a tɔáná na wayɛ́á muəndú. Bəə́bu báfandɛ́ bá ŋɔ bámɛnɛna mɔndɔ ɔmɔtɛ́.

Yə́susu a sɛ́á: «Nɔ lɛ bəə́bu kotíə́ bɔ́ányɛ. Nɔ́ níása tɔlɔ́matɔ́ tɔ́ sákɔ́ná na mɛaŋɔ́á bɔkɔasɛ́á, Nɛmanɛna nɛ́ Nɔɔ́mɛná nɛ́ báka ɛlɔ́áyɛ́ bááyɛ́ ɔbá bá lɛ́á ɛ́sɛ́á bəə́bu.»

Bəəŋí ɔbá bá lɛ́á isíŋáka bə́búsíə́, bá ŋɔ híána bə́limə, bəəŋí ɔbá bá lɛ́á bə́limə, bá ŋɔ híána bə́búsíə́.»

Ata ɛ́yánɛ́ ɔwá a ŋɔ mambɛ́la bɛ́yákalaka ɛlɔ́áyɛ́ ámɛ, bənínyə́ balɛ́mɛndɔ́ ata bəəndú, isə́ ata inyə́, baná ata yayɛ́á misí, á manyá ɔwá a ŋɔ kusənə ɔ ɔyáyɛ́na bikimə ɔbɛ́á a ná tíkə́, ɔ nɛafana nɛ́ buɔmɔ́ bɔ́ ikúílíə́kimə.

Yə́susu a sɛ́á: «Ábá ɔ ndɔ siə ɔbáá muɛsɛ, káka, lúə́kə́ bikimə ɔbɛ́á ɔ lɛ́á itíə́nə́tɔ, índíə́kínə́ bɛɛ́ta ɔ tɔtɔyɔ́nɔ́, nɔ́yɛ́, ɔ ŋɔ bá na nɛmbiaŋɛ ɔ nɔɔ́mɛná. Əlimə yɛ nɔ́yɛ́, sɔ́nɔ ɔŋgɔ́kɔ́ mɛaŋɔ́á.»

Yə́susu a ná wɛɛ́ya bɛ́kámɔ́sɔ́na a sɛ́á: «Ɛlɔ́áyɛ́ yatɛ́ ɔ ndɔ mɛaŋɔ́á batɛna ɔ yatɛ́ ɔyɛ́á yɛ́ lɛ́á yɛɛsɛ əə́? Ɔmɔtɛ́ bíbúə́ a lɛ́á muɛsɛ, ábá ɔ ndɔ siə ɔwá ɔ nɔmɔ́kɔ, ɔŋgɔ́kɔ́ imbə́ndə́.»

Mɛ ndɔ bənú lɛna tɔ́na ɔwá; ɛnjakásɛ yɛ́ óso ɔtɔ́mbɛ́na ɔ yósi yɛ́ ndɔtɔkɔ yáyɛ́na ɔwá, mɔmbiaŋɛ a fínə́ ɔ Nɛmanɛna nɛ́ Huɛlɛ́.»

Mɛ ndɔ bənú nɔ́yɛ́ lɛna ɔwá; wɛ́ɛ́yɛ́ ɔwá a ŋɔ wayɛ́á muəndú bulə, úhúlíə́ ɔwá bá nana nɛbɛ́lɛna tɔa, ábá a ná bɛ́lɛ́ná muəndú muinə́muinə́, a lɛa kɔ́átɔ́ ɔ bɔbɛ́á bɔ́ nilókóno.»

Yə́susu a ná báyɛ́á bɔkɔ́nɛna lɛ́na a sɛ́á: «Hmm! Ɔ taká, mɛ ndɔ bənú nɔ́yɛ́ lɛna; yɛ́ lɛa ányákátɔ́ ɔwá mɔmbiaŋɛ a fínə́ ɔ Nɛmanɛna nɛ Nɔɔ́mɛná.