Popular Bible Verses from Jẹnẹsis 17

શેર કરો

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

E gbi se we Ebram ọfa-a, ẹkẹvuọvo ke se we Ebraham, fikiridie mi ru we vwọ dia ọsẹ rẹ ẹgborho buebu.

Ọphọ na kọ dia uvwre mẹ vẹ owẹ kugbe uvwiẹ wẹn rọ cha vwẹ obuko wẹn; kọ dia ọphọ re rara, kọ dia Ọghẹnẹ kẹ wẹn kugbe uvwiẹ wẹn rọ cha obuko wẹ.

Nighe, ọphọ mẹ vẹ owẹ herọ, ku wọ cha dia ọsẹ rẹ ẹgborho buebu.

Ọghẹnẹ da ta, Ẹjo, ẹkẹvuọvo Sera rẹ aye wẹn na che vwiẹ ọmọshare kẹ wẹ, ku wo se odẹ rọye Aizik. Ọphọ mẹ na kọ sẹ nene kọ dia ọphọ re rara kẹ vẹ uvwiẹ rọye rọ cha vwẹ obuko rọye.

Ke Me vwọ kẹ wẹ kugbe uvwiẹ wẹn rọ cha obuko wẹ, otọ nana rẹ ovwan da ọrharha na, otọ ri Kenan ejobi, kọ dia ẹkẹn uku wẹn bẹdẹ, ke Me dia Ọghẹnẹ rayen.

Etiyin Ebraham de gbe opharo otọ ọ da hwẹ, ọ da ta kẹ oma rọye, Kẹ ohwo rọ ghwo te ikpe ujori nure na se vwiẹ ọmọ? Ki Sera rẹ ikpe ujọne gbe ihwe na ji se vwiẹ ọmọ rhe?

Ọghẹnẹ da ta kẹ Ebraham, Vwọ kẹ Serai rẹ aye wẹn, wo gbi se Serai ọfa-a, ẹkẹvuọvo Sera kọye dia odẹ rọye.

Ku wọ yanvwe ohọrọ rẹ ẹsosuọ rẹ oma wẹn, kọ cha dia oka rẹ ọphọ rọ uvwre mẹ vẹ owẹ.

Ẹkẹvuọvo Aizik ọye ọphọ mẹ cha sẹ nene, ri Sera che vwiẹ kẹ vwẹ eghẹre ọtiọnana ukpe ọfa.

Ọ ro te ẹdẹ ẹrenren nure vwẹ usun rẹ ovwan ka yanvwọ; kọshare kọshare vwẹ uvwiẹ wẹn ejobi, ọ re vwiẹri vwẹ uwevwi wẹn eyẹ ọ ra vwẹ igho dẹ eyẹ ọrharha rọ dia uwviẹ wẹ-ẹn. Te ọ re vwiẹri vwẹ uwevwi wẹn kugbe ọ ra vwẹ igho dẹ, ka yanvwọ. Kọye ọphọ mẹ na kọ dia oma wẹn dia ọphọ re rara.