Popular Bible Verses from NSAN MATEO 27

શેર કરો

Ne nura oraꞌa̱ ra Jesu bi ña̱ ntsꞌɛdi ne bi ꞌñena: ―Elí, Elí, ¿lama sabactani? ―Rí bøni da ꞌñena, ma Dadaꞌi, ma Dadaꞌi, ¿hanja xcá hyɛgasɛua?

Nura oraꞌa̱ bi xø núꞌa̱ ra dutu mi naxa mbo ra nda̱nija̱ pa mi cotꞌa habʉ xi xmá nsunda, bi mʉdi de maña̱ pa rí gaꞌti. Ne xi bi nja ꞌnara mbimhai ntsꞌɛdi y asta bi xø ya do. (Nehe bi xoxa ya ntꞌagui ne bi yopa nte ndunthi ya gamfri núꞌʉ ya xqui du.

Nuꞌbʉ́ bi yopa ña̱ ntsꞌɛdi maꞌnaꞌqui ra Jesu, nepʉ ra oraꞌa̱ ꞌbestho bi du.

Ngu bi du ra Jesu, ra nda̱ gá soldado ne yá mfatsꞌi núꞌʉ mi suꞌa̱ bi zaꞌʉ ra mbimhai ne bi hyanda gatho núꞌʉ te bi nja, hangue xi bi ntsuꞌʉ ne bi ꞌñena: ―Xi majua̱ni nuni ra ꞌñøhø go mi guehni rá Tꞌʉ Ajua̱.

Y ngu mi ꞌnɛtꞌyoho ra hyadi, bi mʉdi bi ꞌmɛxuui gatho ra ximhai ne asta mi nzʉnga hñu nde ja bi yopa hnequi maꞌnaꞌqui.

Hangue ra Pilato bi yopa ꞌyambabiꞌʉ ne bi ꞌñembi: ―Nuꞌbʉ́ ¿te ga øtꞌe co nuni ra Jesu xa thuꞌmbi ra Cristo ra nda̱? Nuꞌbʉ́ ya ja̱ꞌi bi da̱di ne bi ꞌñena: ―¡Manda da tho ja ra pontꞌi! Nuꞌbʉ́ ra Pilato bi ꞌñembabiꞌʉ: ―¿Pe te ma tsꞌoqui xa ꞌyøtꞌni? Pe nuꞌʉ́ maꞌna xi mi mafi ntsꞌɛdi mi ena: ―¡Manda da tho ja ra pontꞌi!