Popular Bible Verses from Genese 6

શેર કરો

TER vaa afanyô er Un er or sha won yô, vihi Un ken ishima.

Er TER nenge isholibo i or kehe sha won, man hanma mhen u ishima i nan kpaa lu u bo tseegh gbem yô

Kpa gema doo TER a Noa.

Ingin ka icombor i Noa ne: Noa yô, lu orperapera, lu a acôghol iyol ga, ken ikov na cii; Noa zenden vea Aôndo imôngo je

TER shi kaa er: Or u M gbe nan ne, Me tim nan sha tar kera, or kua uzendenya man akaa a a kper a kpela inya man inyon i sha; gadia M vaa afanyô er M er ve yô.

Tsô zum u ior hii ngeen sha won la, man er ve mar ônov mba kasev kpaa yô, ônov mba Aôndo nenge ônkasev mba iorov doo ashe; tsô ve er kasev mba sha asema a ve cii. TER kaa er: Jijingi Wam Una kera tema ken or gbem ga, gadia nan kpaa nan ngu inyam tsô, nahan kpaa ayange a uma u nan yô, aa lu anyom deri man ikundu. Akôraior lu sha won sha ayange la, kua ken masejime kpaa, zum u ônov mba Aôndo tsa a ônkasev mba iorov, mar a ve la; mbala lu ior mba ageev, mba sha ayange a ngise la, mbaduenati je.

Noa er nahan; kwagh u Aôndo kaa un la cii, a er sha mi je.

Aôndo kaa a Noa er: Mkur u uumace cii va sha ishigh Yagh ve; gadia ve iv a apera sha tar; nenge, timin Yam ve a tar imôngo ne.

Yô, er tso sha kon u gofer; tôndo ayou ker, ukpo ukpo, man shighe un mningem kimi kua ken won kpaa.

Aôndo nenge, tar vihi; gadia uumace cii vihi gbenda ve sha won kera.

Hanma kwagh u uma u a lu di uma tsô yô, ú nyôr a mi uhar uhar ken tso, sha u ve̱ lu uma a we imôngo yô; á lu nom man mgbian.