Popular Bible Verses from Йуһʼәнна 16

શેર કરો

Мьн әв йәкана ԝәрʼа готьн, ԝәки пе Мьн һун хԝәйе әʼдьлайийе бьн. Һуне дьнйайеда тәнгасийе бьбиньн, ле мерхас бьн! Мьн дьнйа кьрә бьндәсте Хԝә».

Ле гава әԝ Рʼӧһʼе Рʼастийе бе, Әԝе ԝә бәрбь тʼәмамийа рʼастийе бьбә. Чьмки Әԝе нә кӧ хԝәсәрихԝә хәбәр дә, ле чь кӧ бьбьһе, Әԝе ԝе йәке бежә у тьштед кӧ һе нәԛәԝьминә ԝе ԝәрʼа гьли кә.

Һʼәта ньһа ԝә пе наве Мьн тʼӧ тьшт нәхԝәстийә. Бьхԝазьн, һуне бьстиньн, ӧса ԝәки шабуна ԝә тʼәмам бә.

Ле бәле Әз рʼастийе ԝәрʼа дьбежьм, бона ԝә һе рʼьнд ә кӧ Әз һәрʼьм. Һәгәр Әз нәчьм, Пьштован ԝе нәйе щәм ԝә, ле һәгәр Әз һәрʼьм, Әзе Ԝи бьшиньмә щәм ԝә. Гава Әԝ бе, Әԝе гӧнед мәрьвед дьне бьдә рʼуйе ԝан, һәԛи-нәһәԛийе ль бәр ԝан вәкә у диԝана Хԝәде ԝанва әʼйан кә.

Рʼаст ә һун жи ньһа бәр хԝә дькʼәвьн, ле Әзе ԝә диса бьбиньм у дьле ԝәйе бь әшԛ у шабунева тʼьжи бә у тʼӧ кәсе ԝе шабуне жь ԝә нәстинә. Әԝе рʼоже һуне жь Мьн тʼӧ тьшти нәпьрсьн. Әз рʼаст бе хельф ԝәрʼа дьбежьм, кӧ һун пе наве Мьн чь жь Баве бьхԝазьн, Әԝе бьдә ԝә.

Әз рʼаст бе хельф ԝәрʼа дьбежьм, һуне шин у гьри бьн, ле дьнйайе ша бә, һуне бәр хԝә кʼәвьн, ле бәрхԝәкʼәтьна ԝәйе бьбә шабун.