Popular Bible Verses from Йуһʼәнна 14

શેર કરો

Әз әʼдьлайийе ԝәрʼа дьһельм, ԝе әʼдьлайийа Хԝә дьдьмә ԝә. Әз ӧса надьм чаԝа кӧ дьнйа дьдә ԝә. Бьра дьле ԝә нәԛьлԛьлә у нәтьрсьн!

Иса ԝирʼа гот: «Әз ьм, рʼе, рʼасти у жийин. Тʼәне пе Мьн йәк дькарә бе щәм Баве.

Бьра дьле ԝә нәԛьлԛьлә. Баԝәрийа хԝә Хԝәде биньн у баԝәрийа хԝә Мьн жи биньн.

Ле Пьштован, аԝа готи Рʼӧһʼе Пироз, кӧ Бав ԝе бь наве Мьн бьшинә, Әԝе ԝә һини һʼәму тьшти кә у һәр тьштед кӧ Мьн ԝәрʼа готьнә, ԝе бинә бира ԝә.

Әԝе кӧ тʼәмийед Мьн ԛәбул дькә у ԝан хԝәй дькә, әԝ ә йе кӧ Мьн һʼьз дькә. У әԝе кӧ Мьн һʼьз дькә, әԝе жь алийе Баве Мьнда бе һʼьзкьрьне. Әзе жи ԝи һʼьз бькьм у Хԝә ԝива әʼйан кьм».

Әзе жи жь Баве һиви кьм у Әԝе Пьштованәки дьн бьдә ԝә, ԝәки һʼәта-һʼәтайе тʼәви ԝә бьминә. Әԝ ә әԝ Рʼӧһʼе кӧ рʼастийе әʼлам дькә у дьнйа нькарә Ԝи ԛәбул кә, чьмки нә Ԝи дьбинә у нә жи Ԝи нас дькә. Ле һун Ԝи нас дькьн, чьмки Әԝ тʼәви ԝә дьминә у ԝе нава ԝәда бә.

Пе наве Мьн һун чь бьхԝазьн, Әзе бькьм, ԝәки Бав пе Кӧрʼ бе рʼумәткьрьне. Һәгәр һун пе наве Мьн тьштәки бьхԝазьн Әзе бькьм.

Һәгәр һун Мьн һʼьз дькьн, һуне тʼәмийед Мьн хԝәй кьн.

Мала Баве Мьнда гәләк щийед майине һәнә, Әз ньһа дьчьм ԝәрʼа щи һазьр кьм. Һәгәр ӧса нибуйа, Мьн ԝәрʼа нәдьгот?

Гава Әз һәрʼьм у ԝәрʼа щи һазьр кьм, Әзе диса бем у ԝә бьбьмә щәм Хԝә, ԝәки Әз ль кʼӧ бьм, һун жи ль ԝе дәре бьн.

Тʼума жерʼа гот: «Хӧдан, әм ньзаньн Тӧ кʼӧда дьчи, әме чаԝа рʼе бьзаньбьн?»