Popular Bible Verses from GENESIS 28

શેર કરો

Tin, ngai teh, i hnênah ka awm a, i kalna apiangah ka vêng zêl ang chia, he ramah hian ka hruai kîr leh ang che; i hnêna ka sawi hi ka tih hma loh chuan ka thlahthlam dâwn lo che a ni,” a ti a.

Tin, ngai teh, a chhîpah chuan LALPA a ding a, “Kei hi LALPA, i pu Abrahama Pathian leh Isaaka Pathian chu ka ni; i mutna lei kha nang leh i thlahte ka la pe ang che u.

Tin, Jakoba chu a muhîl a han harh a, “He hmunah hian LALPA chu a awm ngei mai, ka lo hre si lo va,” a ti a.

Tin, Jakoba chuan, “Ka pa ina thlamuang taka ka hâwn lehna tûrin Pathian ka hnêna a awma, he ka kalna kawngah hian mi vêna, ei tûr chhang leh sin tûr silhfên mi pêk dâwn chuan, LALPA chu ka Pathian a ni ang a, he lung, lungphun atâna ka phun pawh hi Pathian in a ni ang; tin, i mi pêk tûr zawng zawngah chuan sâwma pakhat ka pe ngei ngei ang che,” tiin thu a tiam ta a.

Tin, i thlahte chu leia vaivut zâtin an awm ang a, thlang lamah te, chhak lamah te, hmâr lamah te, chhim lamah te i darh zau vang a; tin, nangmahah leh i thlahah chuan khawvêla hnam tin an la thawveng ang.

Tin, chumi hmun hmingah chuan Bethel a vuah a; a khaw hming erawh chu a tîrah chuan Luz a ni.