Popular Bible Verses from Ruc 19

શેર કરો

Ỹhỹ, ampo na ri ipê me Ahàkà pjê ita kam cator? He cute me ipictor catêjê japên, ne Pahpãm wỳr me haprôr xà caxuw ― hane, ne ma ihkôt me ipa catêjê me, me mõ.

Ne me caràr to me hane he: “Me pajõ Pahhiti me pahwỳr cator! Ne Pahpãm jarkwa kôt hãn ne ipa! Mã côjkwa kam mehkrĩ catêjê atajê cunea pinkrinti. Ne mehcunea te ramã cupê Pahpãm catia na me hahkre pej” hane.

Mã Jeju cumã: ― He ampeaj kam ate amji kam gapac xà ton ita na impej. Ne toa ca ate mehcunea mã hanea ne apê Aprãw xwỳ tàmxwỳ na amji jarẽn. Cwỳrjapê quê ha ita kam, Pahpãm ikre ita kam mehkrĩ catêjê itajê kên catia pê me hũtà.

Mã Jeju mõ ne kàj mã irĩt, ne cute Xaquêw pupun, ne cumã: ― Xaquêw, awrỳc pyrentu, wa ita kam gũrkwa kam ijàhhuc to prãm ― hajỹr. Mã Xaquêw jũjarêan kam iwrỳc, ne cute cumã amji kĩan kam hũrkwa kam ahna amji caxàr.

Ne me hàpàn jirô pê mã ri Xaquêw xãm, ne cute Jeju mã amji jarẽn, ne cumã: ― Ijõ Pahhi, ikampa, wa ha me cupê hamreare atajê mã ijàhcukrêj jĩkjê gõ. Ne me cupê ijàhkĩj atajê, wa ha hacpỹa mã me cupê ijàhkĩj pyxit jahpan xà na, me cumã ijàmjõr to cwat ― hajỹr.

Mã Parixêw catêjê kwỳ me hàhtôa jipôc ri amehcuhhê atajê ame Jeju mã, ne me cumã: ― Me cumã ampo to hahkre catê, akôt me ipa catêjê mã garkwa ta, quê me kêt ― hane. Mã Jeju me cumã: ― Ampeaj kam wa ha me amã awjarẽ, quê ha me kêt, quê ha ihtỳj kẽn itajê me haxà kam, caràr kam ihtẽm pyrentu ― hane.