Popular Bible Verses from JOHAN 16

શેર કરો

Nangmi lawng kai oen ah tuhkaina rang oen ngaimawngna na khuehna ham he he kavan thui. Dilai lawng nangmi raina m'peek ai. Tecakhaw na thin cak sak uh! Kai lawng dilai ka taa poen!” a tina.

Tede Muithla te a law veng atah ahih lawng Pathen kawng awltak te avan phawng vetih awltak khuila te m'mawt u ai. Ahih lawng amah aana oen thui manawh, tede ahih lawng a yaak te a thui vetih aka law ham koei thaihu te avan thui ai.

Tahe toe ah he nangmi lawng n'tu khaw ka miing oen na bih u thlan hun; nangmi kah awmngaihna te asoepna ham bih u lah na dang ni.

Tede awltak kavan thui: kai he ka ceh atah nangmi ham theen bet ai, metihtiah ka cet nawh kawinih nangmi tengah Bawmkung te law manawh. Tede ka cet kawinih ahih te nangmi tengla kavan tuih ai. Ahih te a law veng atah thawlhna kawng, oengna kawng oen Pathen kah awlcekna kawng te ahih lawngah dilai thlaang thli tengah a thui pe ai.

Te tila te nangmi khaw na awm u van ai: tahe ah na kaw the u, tede nangmi te koep kan huh u vetih na awmngaih tangkiik u ai; te tah a-u khat lawngkhaw a lawh thai nawh awmngaihna ni. “Te khawhin te a law vengah nangmi lawng n'tu khaw navan bih u manawh. Awltak kavan thui: nangmi lawng ka miing oen na bih boeih te a Pa lawng m'peek ai.

Awltak kavan thui, nangmi lawng kopaang oen na rap u ai, tede dilai tah awmngaih ai; nangmi tah na kaw the ai, tede nangmi kah kawthena te awmngaihna la coengg ai.