Popular Bible Verses from Mateo 5

શેર કરો

Waipaine'i nayustakaima'i eta yukupi, tási'a nanakapapukaini te taju'e eta chapamaju'e, étasera nanakayare'i te anuke'e, apaesa tamikauchasarepa namutu ena tiávi'ana'i te peti. Ene eka'eyare eti, ímerekayare eta ejaraiwayare naye'e ena achaneana, apaesa eta náimairaina'i eta táurikeneana íchakeneanayare, ena apanaware nakunachayarepa ema Tata tiávi'a'i te anuma.

“Eti ekuti'i eta vimika'u, émikauchayare'i tamutu eta apake'e. Ekutiyare eta awasare tiávi'a'i te taina'u eta anuke'ekene mariripa'i wa'i tayumurukawa'ini.

“Tétavikawa eta náurikakarewaya ena tiuripanereruana, taicha naima'ayare ema Viya.

“Tétavikawa eta náurikakarewaya ena tikaimairuwana'i eta naichira eta taurikeneana, taicha máijarakayare eta nawara'akene'i

Nútisera numetaka'e: Émunakayare nákani tikatianaka'eana'i, eyujarauchayare nákani tipanajirika'eana'i.

“Tétavikawa eta náurikakarewaya ena tijapanuwana eta náchanewa, taicha ena naye'e'i eta Mawasa Akenuka te anuma.

“Tétavikawa eta náurikakarewaya, ena tikaepa'ana eta semanereana, taicha ema Viya machichayare.

“Tétavikawa eta náurikakarewaya ena tikatajiwana'i, taicha ema Viya makurisamurechawakayare.

“Tétavikawa eta náurikakarewaya, ena tikatajiwana'i taichavene eta naichira eta taurikeneana, taicha ena tisiapanayare te Mawasa anuma.

“Tétavikawa eta náurikakarewaya, ena tijapanura'iana'i, taicha ema Viya, majapanuwakayare ena.

“Tétavikawa eta náurikakarewaya ena, te naichanaka'e, nápanararacha'e ena achaneana taichavene eta e'isiranu'i, étapa eta naepiyaikene'a'erana. Ewapinawachucha íurisamurechucha, taicha ejechapaya eta ichapekene íjarakasiya tiasi'a te anuma. Ene naka'e'i eta nakatajiwaira'i ena nainapureanaini'i profetanaini, eye'e eti.

“Tétavikawa eta náurikakarewaya ena mánsuana'i, taicha máijarakayare eta arairu apake'e náikuchi'i.

“Eti ekuti'i eta icheve tétavikawa'i eta takamunukarewa'i tejuka apake'e. Te'esera te tepa'apapa, ¿wa'ipapuka takuicheve'i? Tási'a, nájinainapa tikamunuima'i, taicha náepuruinapa namutu.

Ímereka eta iúriwa naye'e namutu, ekutiyare ema Tata Vikaiyakene te anuma eta máuriwa'i.

Tikamunukare átupiruwa áka'e: ‘Tiuri’ te wá'ipuka ewara'a'i, átupiruwa áka'e ‘wa'i.’ Te émuna'akawapuka enaka eta échejiriruwa jákani emaitaureyare, étapa tiasi'a maye'e ema Wínaraji.

“Esamaichu'i eti eta takayemakene'i: Mákani achane, mapuchukicha'i eta mae'aira'i, ema apana achane, titsikawayarewa napuchukichayarewa ema apana te'a'i. Te makavetukia'pecha'ipuka, éneichuware nakavetukia'pechayarewa ema apana.” Nutisera numetaka'e: Wa'i ekujikapa te masema mákani achane wínaraji, tiuripana, te náe'a'epuka te emira te waure, íjarakachucha éneichuware eta apachakaya eta emira.

“Eta taka'e, te tiviuchavi'ipuka eta piúki'a wáure, tímiakipaikavi te pekatu, tiúripana'i piveku'aukichawa piákijikaya tiyere'i, taicha tiúripana táejiakawa ánichichaina te piáke'e, wá'isera takuimikuñakavi tamutu eta piáke'e, te ekuñaraki taijurekene yuku. Te tiviuchavi'ipuka eta piwa'u waure, tímiakipaikavi te pekatu piyuchatikawane, tiuripana pisiapa te anuma chutuwa'uvina, taicha te wa'i picha, timikuñakaviyare te taijurekene ekuñaraki yuku maitawakakainapa eta tamuruira.