Popular Bible Verses from Эхин 32

શેર કરો

— Шинии нэрэ хэн бэ? — гэжэ тэрэ хүн асууба. — Яков, — гэбэ ха тэрэ.

Яковые диилэхэгүй байһанаа тэрэ ойлгоод, Яковой ташаагай яһанай үеһөөнь гаратар сохибо.

Удаань тэрэ бүхы зөөри хогшолоо, мал һүрэгөө голой саана гаргаба.

— Өөрынгөө нэрэ намда хэлыт! — гэжэ Яковой гуйхада, — Ши минии нэрэ мэдээд яаха гээбши? — гэжэ тэрэ хүн харюусаад, үреэл табяад, ошобо.

Тиигээд Яков һөөргөө голоо гаталан, хуушан газартаа ерэжэ, гансаараа үлэбэ. Һүниндөө танигдаагүй хэн нэгэн Яковто ерэжэ, үүр сайтар тэрээнтэй барилдаба.

Тиигээд тэрэ хүн Яковто хэлэбэ: — Намайе таби, үүр сайхаяа байна. — Намай үреэгээгүйдэтнай табихагүйб, — гэбэ Яков.

Тиихэдэнь тэрэ хүн хэлэбэ: — Энээнһээ хойшо шинии нэрэ «Яков» бэшэ болохо. Ши хүнтэй тэмсэжэ, илаад, удаань Бурхантай тэмсэжэ диилэһэн хадаш шамда «Израиль», оршуулбал, «Эзэн Бурхантай тэмсэгшэ» гэдэг нэрэ үгтэбэ.

Тиигээд Яков Эзэн Бурханда мүргэн зальбарба: — Үбгэ эсэгэ Абраһаамай, минии эсэгэ Исаагай Эзэн Бурхан! «Түрэһэн нютагаа, түрэл сададаа ши буса. Тэндэ шамда һайн һайханиие Би үгэхэб» гэжэ Та намда айладаа бэлэйлта.

Наран гараба. Яков Пэнүһээлһээ ошоходоо, ташаа яһанайнгаа үеһөөн гараһанай ушарһаа дохолжо ябаа бэлэй.

«хэрбэеэ Эсаав нэгэ бүлэгтэ добтолжо усадхаа гээшэ һаань, нүгөө бүлэг зугадажа шадахадаа болохо» гэжэ бодобо.

Танай богоол би хамаг үршөөл хайраһаатнай, хэшэгһээтнай хүртэхэ эрхэтэй гээшэ гүб? Түрэл нютагһаа гаража, Иордан гол гаталхадаа, би гартаа гансахан тулгууртай ябаа бэлэйб. Мүнөө бусажа ябахадаа, хоёр бүлэг болгон хубаарилһан олон зонтой, үй түмэн адуу малтай ябанаб.