Popular Bible Verses from GÉNESIS 28

શેર કરો

Ñoqaqa qanwanmi kashani, mayta riqtiykipas waqaychasqaykin, hinaspan kay hallp'aman pusampusqayki, manan saqerparisqaykichu qanman nisqayta hunt'anaykama, nispa.

Hinallataq rikurqan Señor Diosta qayllanpi sayashaqta, paymi nirqan: –Ñoqan Señor Diosqa kani, abueloyki Abrahampa Diosnin. Kay puñusqayki hallp'atan qanman qosqayki, hinallataq mirayniykimanpas.

Hinan Jacobqa puñusqanmanta rikch'arispa nirqan: Kaypipunin Señor Diosqa kashan, ñoqataq chayta mana yacharqanichu, nispa.

Hinan Jacobqa prometekurqan: Ñoqawanchus Dios kanqa, kay risqaypipas waqaychawanqa, t'antatapas mikhunaypaq qowanqa, p'achatapas p'achakunaypaq, taytaypa wasintapas allillan kutipusaq chayqa, Señor Diosmi Diosniy kanqa. Kay saywa rumi churasqaypitaq Diosta yupaychanqaku, lliw imapas qowasqaykimantataq diezmoyta qosqayki, nispa.

Mirayniykin kanqa ñut'u hallp'a hina mana yupay atiy, hinan teqsimuyuntinman ch'eqeykunqaku, lliw kay pacha ayllukunapaqmi qanpas mirayniykipas samincha kankichis.

Hinaspanmi chay cheqasta suticharqan Betelta, ñawpaqqa chay llaqtaq sutinqa Luz nisqan karqan.