Popular Bible Verses from Yʉanes 4

શેર કરો

Zyɛm, nye ó sisim. Ebe no, bʉr o ndɨ edwiibɨ nye e, bé ekʉ jala le esa no é mɨsisim myɔɔ, é l'ocyecye.»

Sa gwar, ewala, lé eze—lé mu ó si pyal—jɔʼ mɨmpaŋ mɨ ompʉn, bé ódwiibɨ Zyɛm Sɔŋ é mɨsisim myɔɔ é l'ocyecye e, ebe, nye esaa ó, bʉr o dwiibɨ nye é mbi waa ɛ.

Sa gwar, mʉr nyiwɛh óde modibe me ódwe nye e, nye aŋa ka joʼo dweh modibe, ebe, modibe me ódwe nye e, mé ólihba eno é leme we tʉŋlʉ, gumo tiʼ molu mo mpoʼ mɨmɛh, yé ódɨ sah ɛ.»

Yesʉs ntɔʼ lɛɛ e nye ó: «Nkʉ go be ó be, gʉa etʉm Zyɛm lé entɨh-ntɨh bʉr ɨ, ndwe e mʉr lé ejaʼ go modibe nɛʼɛ, mpa go ô jaʼ nye modibe lé esah ɛ. Nye si ngbaa dwe nteme go ma.»

Yesʉs, nye e be ó: «Mode mam, mé ó, me saʼ gwɨma mo mʉr a ntɨh me e, le efwahle syɛɛ nye a lɛɛ ó, me ntaʼ, ze sea ɛ.

Mʉma, nye e nye ó: «Da, go abe e dɛa. Edɛɛ nteme, lé é bul jaa si. Go e nkul esa yé, ó modibe, mé saha, ze kœb bɨna kaʼ kʉ ɨ?

Mʉma, nye e nye ó: «Me egʉa ó, waa ndɨ Messie ɨ, óze—no, yé ó waa ndɨ ejebɔ ó, Krɨst: Lœma mulo mo Zyɛm ɨ. É jɔʼ nye óze e, nye ógʉa yeʼle bɨna ga bɨsa bɨnɨ bibyɛh.» Yesʉs, nye e nye ó: «Me ó ndɨ nye, mɛm, mʉr lé elwib e go nwa!»

«Ntaʼ, ze bee ga me wiʼ ɔɔ! Mʉr nwaʼ, nyi lɛɛ me sa yiyɛh me a sa yi ɔɔ! Zê nye óbɛm be Lœma mulo mo Zyɛm ɨ?»