Popular Bible Verses from Génesis 9

શેર કરો

Qankunawan, jinataj animalkunawan ima wiñaypaj trato ruwasqaymanta señalqa kaymin kanqa: Noqaqa k'uychiyta phuyuman churani, chaytaj kay pachawan tratota ruwasqaymanta señal kanqa.

Maypachachus k'uychi phuyupi rikhurenqa chaypacha, noqa rikusaj, yuyarikusajtaj tukuy runawan, jinataj tukuy animalwan ima tratota wiñaypaj ruwasqaymanta.

Pichus runa masinta wañuchejtaqa waj runa payta wañuchillanqataj, imaraykuchus runaqa Diospa rijch'ayninman jina ruwasqamin.

Chantá Diosqa Noeta, churinkunatawan ima saminchaspa, nerqa: Ashkha wawayoj kaychej, kay pachamantaj junt'aychej.

Chayrayku tukuy animalta, jinallataj tukuy imaymana q'omerkunatapis mikhuyta atinkichej. Chaykunata mikhunaykichejpaj qoykichej.

Kay pachapi tukuy imaymana animalkuna qankunata manchachikusonqachej. Jinallataj phawajkunata, jallp'a patapi qhatatakuspa purejkunata, mama qochapi kajkunatapis tukuyninta makiykichejman churani.

Qankunarí ashkha wawayoj kaychej, kay pachamantaj junt'aykuychej, nispa. Ajinata Dios nerqa.