Popular Bible Verses from Yohanes 6

શેર કરો

Nanguli i Yesus ka ira, “Yakumo hii kandea anu nombadekei katuvua haitu. Isema-sema makava nte Yaku, domo maara, bo isema-sema momparasaya Yaku, domo mabai tambolona sampe ri kasae-saena.

Kuasa nu manusia ledo mompakule nombadekei katuvua nabelo, aga Nosa Gasa nu Alatala. Tesa-tesa niuliKu ka komiu, nakava lako ri Nosa Gasa bo tesa-tesa haitumo nombadekei katuvua nabelo.

Nee aga mokarajaa ala manggava kandea anu masalisa maupu atau mavai. Agina komiu mokarajaa ala manggava kandea anu ledo mavai bo anu mombadekei katuvua mabelo sampe ri kasae-saena. Yaku, Ana nu Manusia mombadekei kandea haitu ka komiu, sabana Yakumo nianggataka nTuamaKu Alatala mantui pokarajaa haitu.”

Iveimo dota nTuamaKu, ala pura-pura tona anu mombasani bo momparasaya Yaku, AnaNa, manggava katuvua mabelo sampe ri kasae-saena. Bo Kupakatuvu mpanjili ira ri kaupu nu dunia.”

Nesana i Yesus, “Iveimo anu nipokonoa nu Alatala: Parasayamo Yaku anu nituduNa.”

Pura-pura tona nidekei nTuamaKu ka Yaku kana momparasaya Yaku, bo isema-sema momparasaya Yaku ledo ntoto Kupoara.

Nesana i Simon Petrus, “Pue, nte isema rakalau kami? Aga Komiu nombatesa tesa anu nombadekei katuvua mabelo sampe ri kasae-saena.

Yakumo hii kandea anu nanau lako ri suruga, anu nombadekei katuvua nabelo haitu. Isema-sema mangande kandea hitu, matuvu mabelo sampe ri kasae-saena. Kandea anu nombadekei katuvua nabelo, batuana isi karoKu anu Kudekei ala manusia mamala matuvu mabelo sampe ri kasae-saena.”

Ledo ria saitoa mamala momparasaya Yaku ane ledo rakeniaka nTuamaKu anu nantudu Yaku. Bo isema-sema nomparasaya Yaku, kana Kupakatuvu mpanjili ri kaupu nu dunia.

Apa kandea nopuna lako ri Alatala, haitumo Ia anu nanau lako ri suruga bo nombadekei katuvua ka manusia.”

Yakumo hii kandea anu nombadekei katuvua nabelo.

Naupu haitu, i Yesus nangala roti bo nanguli tarima kasi ka Alatala. Bo nitubi-tubiNa roti haitu ka todea anu nonturo ri sia. Ivesia muni nipoviaNa ante bau. Bo tona dea haitu nangande sampe nabosu. Nabosupa ira, nangulimo i Yesus ka ana-anaguruNa, “Pasiromu puramo labi-labi nu roti bo bau haitu. Nee sampe maria anu ratedaka.”

Ira novose sakaya nitasere bara alima atau aono kilo lako ri talinti, pade nikitara i Yesus nolipa ri bavo nu uve rano tumai nantotoaka sakayara. Nanggita haitu, navioramo rarara. Tapi nanguli i Yesus ka ira, “Nee maeka! Yaku hii!”