Popular Bible Verses from Yõhánã 21

શેર કરો

ꞌBá ꞌdĩ kí mụ ãkónã delé na agá ꞌbo, Yẹ́sụ̃ zị Pétẽrõ ꞌi, “Sị̃mọ́nị̃ Yõhánã ngọ́pị, ílẽ ma ãndá ãni ndẽ ꞌbá ãzí ꞌdĩ kí rá yã?” Pétẽrõ umvi ĩꞌdiní, “Ãndá Úpí, ínị̃ cé álẽ mi rá.” Yẹ́sụ̃ jọ ĩꞌdiní, “Ífẽ mâ kãbĩlõmvaka ꞌbaní ãkónã.” Yẹ́sụ̃ zị Pétẽrõ pâlé ị̃rị̃ rĩ sĩ, “Sị̃mọ́nị̃ Yõhánã ngọ́pị, ílẽ ãndá-ãndá rú ma rá yã?” Pétẽrõ umvi, “Wõyí Úpí, ínị̃ cé álẽ mi ꞌi rá!” Yẹ́sụ̃ jọ ĩꞌdiní, “Ímba mâ kãbĩlõ kí tã.” Yẹ́sụ̃ zị Pétẽrõ pâlé na rĩ sĩ, “Sị̃mọ́nị̃ Yõhánã ngọ́pị, ílẽ ma rá yã?” Pétẽrõ uꞌá dó cãndí sĩ Yẹ́sụ̃ ꞌbã ĩꞌdi zịjó pâlé na, “Ílẽ ma rá yã?” rĩ sĩ. Umvi dó Yẹ́sụ̃ ní, “Úpí ínị̃ ị́jọ́ pírí, ínị̃ álẽ mi rá yã rĩ gá cé.” Yẹ́sụ̃ umvi ĩꞌdiní, “Ífẽ ãkónã mâ kãbĩlõ ꞌbanî.

Ájọ míní ị́jọ́ mgbã, mi ándrá drĩ adrujó kãrị́lẹ̃ rú rĩ sĩ, mi ími ụ̃sụ̃, mi drị̃ ko mụlé ãngũ ími ásị́ ꞌbã lẽlé rĩ gá. Wó ídrĩ dó drụ́zị́ de ꞌbo, mi dó ími drị́ kí ĩjũ, ꞌbá ãzí kí dó ími umbé nĩ, ãzíla kí dó ími drị̃ ce agụlé ãngũ ími ásị́ ꞌbã lẽlé ku rĩ gá.”

Yẹ́sụ̃ jọ ĩꞌbaní, “Ĩꞌbe bóyí ĩmidrị́ ꞌdĩ kí íꞌbó ꞌbã wókõ ãndá gá rĩ gâlé ru, ĩmi úꞌdîꞌda ị̃ꞌbị aꞌbé rá.” ꞌBe kí bóyí kí ị̃yị́ agâlé, ụ̃ꞌbị̃ kí bóyî asélé tí ị̃ꞌbị ꞌbã ꞌdejó bóyí agá wẽwẽ rú rĩ sĩ.

Sị̃mọ́nị̃ Pétẽrõ jọ ꞌbá Yẹ́sụ̃ ꞌbã imbálé rĩ ꞌbã ãzí rĩ ꞌbaní, “Ma mụ ị̃ꞌbị ꞌbelé.” ꞌBá Yẹ́sụ̃ ꞌbã imbálé ãzí rĩ jọ kí, “Ãma mụ mí trũ.” Tụ kí dó pírí filé íꞌbó agâlé sĩ ị̃ꞌbị ꞌbejó ị́nị́-ãrã, wó aꞌbé kí ị̃ꞌbị ãluŋá la ku.