Popular Bible Verses from Maʼtɛ́as 10

શેર કરો

«Taa, mɛ mbáboodóm wɔnɔ́ todóm a kɛgaágadɛ kɛ́ pəŋəŋúug; álɛ́ndɛ́ŋɛ́an wɔnɔ́ nkud aá! Ɛgom fiɛ́d wɔnɔ́ piɛm áaá!»

Nyɔ́ alɛ́ɛ́ kuunə lɛ́ yə́gəʼkəəŋəni ɔlaa wə́ə́ŋ, nyóon alɛ́ɛ́ koʼtaŋ wólɛ́. Nyɔ́ alɛ́ɛ́ koʼtaŋɛɛ́ ɔlaa wə́ə́ŋ a kidíídí kɛ́am, nyóon aa alɛ́ɛ́ kɛɛnɛɛ́ na ɔlaa ó pɛnɛŋ piim.»

«Podɛʼtámmána pá pálɛɛ́ lɛ́, páagoon mɔɔd, náa pádɛáʼkɛ koon ɛdáányɛ́ yɛ́ ɛ́lɛɛ́ na nyɔ́lɛ́. Tammánáan agá Táán nyɔ́ alɛɛ́ lɛ́, aagoyóon wɛ mɔɔd, áyoon tɛn uŋun wááŋ, áadagɛdɛ wólɛ́ a yug yɛ́ ɛgóón.

Nyɔ́ ədiə́lúlinií ɔmbásá wə́ə́ŋ əgiim yínjə́ən, nyóon ɔdɛɔ́gɔ waam.

«Nyɔ́ alɛ́ɛ́ kinjəə́gidənií a udi ó pɔɔd, ɔɔ́sɔyɔ lɛ́ nyɔ́lɛ́ alɛ waam, mɛ tɛn ndɛ́ɛ́ kodɛ́lɛm a udi ó Paabá nyɔ́ alɛɛ́ a mɔɛn, əgusəə lɛ́ alɛ waam. Náa, nyɔ́ alɛ́ɛ́ kiʼtəmií a əngis á pɔɔd, mɛ ndɛ́ɛ́ kumuúʼtəm tɛn nyɔ́lɛ́ a udi ó Sɛ waam nyɔ́ alɛɛ́ a mɔɛn.»

Mɔɔd alɛ abany, póomoyóómɛ. Puóndɛganɛ pɛlóŋ. Mɔɔd alɛ abany nkún póomoósɔgɛn yɛ́lɛ́, poáŋɛ́ŋŋaŋ məŋun má mabɛ́. Mɛ, mbáboyɛ́ʼkɛn pəŋi a náan iyó, pəŋi tɛn poɛ́ʼkɛnan na pɔsɔ́g náan iyó.»

Podɛʼtámmána anɛ́ɛ́n yoom na yoom. A əngis á Táán, pəŋi pomááyɛn múlundúún muim.»

«Podɛfɛ́g lɛ́ kiwiiyiʼ aa mbíim agaag a nsí, ndóo. Ntiimin na kiwiiyiʼ, pɛdá aa mbíim na pɛ́lɛ́