Popular Bible Verses from Chɔ᷄ŋ 4

શેર કરો

O̍ Īnyi̍nāya̍ Mɛ̄lɛ̄ka̍ chō ni̍. Wāna̍ so̍o̍lūū ndu̍ Mɛ̍lɛ̄ka̍ wo̍, mɛ̄ɛ̍ mbō sōōlu̍u̍ ndu̍ mɛ̄ɛ̍ Nyi̍na̍ Mɛ̄lɛ̄ka̍a̍ chɔ̄m ndu̍ yɛ̍, ndu̍yɛ̍, mbō sōōlu̍u̍ ndu̍ o̍ nɛ̄i̍ tōnya̍a̍ chōo̍.”

Bōōndi̍i̍ cho̍ fūūlūū, ndu̍yɛ̍, ī chīi̍ ni᷅ŋ bɛ̍ɛ̍ fu̍u̍lūū, bōōndi̍i̍ ke̍ŋ wāna̍ so̍o̍lūū ni̍ŋ Mɛ̍lɛ̄ka̍ Fi̍nyāa̍ mɛ̄ɛ̍ Nyi̍na̍ Mɛ̄lɛ̄ka̍a̍ ō chɔ̄m ndu̍ yɛ̍ wo̍, ndu̍ so̍o̍lūū ni̍ŋ ndu̍ o̍ nɛ̄ī sa̍kpō ni̍. Ndu̍yɛ̍, mbō sōōlu̍u̍ ndu̍ o̍ nɛ̄ī tōnya̍a̍ chōo̍. Wāna̍ so̍o̍lūū Mɛ̍lɛ̄ka̍ Fi̍nyāa̍ o̍ nɛ̄ī wa̍ā nu̍a̍ā cho̍o̍ wo̍, ndu̍ Mɛ̄lɛ̄ka̍ yēēmā māā ō sōōlu̍u̍ ndu̍ ni̍.

Kɛ̍, mɛ̄ŋmā ya̍ ya̍ I̍ ke᷅ wa̍nā wa̍ŋ, tē wāŋndo̍ ko᷄l ma̍ŋ pɛ̍, bo̍lōlā ve̍sā lɛ̍ ndu̍ le̍. Kāni̍ fo̍ndōle̍, mɛ̄ŋmā ya̍ ya̍ I̍ ke᷅ wa̍nā wa̍ŋ, sīmnɔ᷄ŋndo̍ ma̍ si̍mnūŋ ndu̍ ni᷄ŋ mɛ̄ɛ̍ pēē būūlōo̍ wā nu̍a̍ā yɛ̍ ni̍, mā chu̍ū kɔ̍ɔ̍lī le̍. Mā tōsā mī wānā ko̍ŋ ō wa̍ yōōmū kpe̍e̍kpe̍i̍. Ndu̍yɛ̍, yōōmū kōŋ, ō nɔ᷅ la̍mɛ̍ɛ̍lu̍ le̍.”

Mi̍ Chi̍i̍sū lo᷅ o̍ ko̍ŋ mbo̍ dīmūl chūa̍a̍ ho̍ō āā, “A̍ si̍nā ke᷅ Mɛ̄lɛ̄ka̍a̍ le̍. Ndu̍yɛ̍, ya̍ cho̍ ho̍ō nu̍m mɛ̄ŋnda̍ŋ pīɛ̄īyo̍ wo̍, a̍ si̍nā ya̍ le̍. Tē nūm o̍o̍ si̍nā ya̍ pɛ̍, nu̍a̍ā nūm o̍o̍ nyu̍nā ya̍, mī ya̍ i̍i̍ ke̍ nu̍m mɛ̄ŋma̍ to̍sā mī wānā wa̍ yōōmū kpe̍e̍kpe̍i̍ ya̍ŋ.”

Mi̍ Chi̍i̍sū di̍mūl nda̍ āā, “Nyɛ̄ nī di̍a̍a̍ ndu̍ cho̍ nyɛ̄ wāna̍ ve᷅m ya̍ wo̍ ō hɛ̄na̍ŋ ndo̍ tōsāa̍ ni̍, a̍ wa̍li̍ o̍ ve᷅m ya̍ wo̍ sīōūwo̍.

Mi̍ chūa̍a̍ lō o̍ ko̍ŋ mbo̍ dīmūl Chi̍i̍su̍ āā, “Fāllo̍, a̍ so̍o̍ŋ yi̍ŋgi̍lɛ̍i̍yo̍ ho̍ō, nūm yɛ̍ a̍ nɔ̍ ba̍a̍wa̍ nānāā māmɛ̄ŋ te̍. Mī kūɛ̍ɛ̍nɛ̍ ŋ̄ fūla̍ yɛ̄ a̍ mɛ̄ŋma̍ to̍sā ma̍ŋ mī wānā wa̍ yōōmū kpe̍e̍kpe̍i̍ ya̍ŋ?

Mi̍ chūa̍a̍ lō o̍ ko̍ŋ mbo̍ dīmī āā, “I̍ si̍nā māā Ki̍li̍tī, wāna̍ Mɛ̄lɛ̄ka̍ chu̍a̍ būŋgɛ̄i̍ māā ō chō vīōmɔ̄ɔ̄ le̍ wāŋnda̍ pīŋīo̍o̍ wo̍, ō chō hūnɔ̄ɔ̄. Tē ō hīŋ pɛ̍, ō chō na̍a̍ hūnɔ̄ɔ̄ nyɛ̄ o̍ nyɛ̄ fe̍e̍ chɔ᷅m.” Mi̍ Chi̍i̍sū di̍mūl ndu̍ āā, “Ya̍ cho̍ ho̍ō sūɛ̍i̍ nāa̍ nūm chu̍a̍ wo̍, ya̍ cho̍ wānā ko̍ŋ ni̍.”

“Wāŋnda̍ lā hu᷄ŋ mī lā hu᷄ŋ chɔ᷅ po̍ ya̍ ko̍ma̍l o̍ so̍o̍ŋndo̍ wo̍. Nyɛ̄ o̍ nyɛ̄ fe̍e̍ ya̍ I̍ to̍sa̍, mbo̍ chɔ̄m pa̍ku̍. Bāā mbō wa̍ dɔ̍ɔ̍ ndu̍ cho̍ wāna̍ Mɛ̄lɛ̄ka̍ chu̍a̍ būŋgɛ̄i̍ māā ō chō vīōmɔ̄ɔ̄ le̍ wāŋnda̍ pīŋīo̍o̍ wo̍ ni̍?”