Popular Bible Verses from Matayo 6

શેર કરો

Nawe muyenje okwamba obukama bwa Nyamuanga no burenge:resi bwae, nebyo byone niwo muryongesibwa.

Mbe mute:ganaga bya mutondo, kwo kuba orusiku rwa mutondo orwiganira orwene. Orusiku orumwi ecibi:bi cendemo ecirumara.

Nikwo enikora nimbabwira ati, Mute:ganaga obuanga bwemwe ati, Cirirya ki? amwi, Cirinywa ki? amwi mutaganiraga emibiri jemwe ati, Cirifwara ki? ?Obuanga butakukira ebiryo, no mubiri gutakukira ebifwaro?

Nawe awe urasabwaga ingiraga esi:ko wao, wigare orwigi, niwo usabwe Esomwana unu ari mu bumbise, na Esomwana unu karoraga mu bumbise arikuyana omuyero.

Mbe musabwega kutya ati, Rata unu uri mu rwire, Risi:na ryao rikusibwe. Obukama bwao bu:je. Okwenda kwao kukorwega mu:si rwa kutyo okukorwa mu rwire.

Uciyane rero ebiryo byeswe byo kuci:ya.

Uci:swaririre amabanja geswe, rweswe kutyo eci:swaririra banu ecitonga.

Utacisira mu kusakwa nawe ucikisye ku mubi:bi. Kwo kuba obukama no buinga na rikusyo ni byao kajanende na kajanende. Amina.

Kwo kuba muke:swaririra aba:nu ebikayo byebwe, Esomwana wa mu rwire aribe:swaririra emwe one.

Murore jinyonyi ja mu rutumba, jitakubiba amwi jitakugesa, amwi jitakusombera mu bitara. Nawe Esomwana wa mu rwire kajiri:sya:ra. ?Emwe ejo mutakujikira muno?

Mute:bikiraga ebi:nu mu:si, omwo ebinyamurirwa jifufunyi no butaretare, na be:fi mbatakura nibe:ba. Nawe Mwibikirega ebi:nu mu rwire, omwo bitakunyamurirwa fufunyi nakabee buri butaretare, amwi abe:fi batakutakura amwi kwiba. Kwo kuba anu ebi:nu byemwe ebiba, niwo no mutima gwemwe one oguba.

Atariwo mu:nu unu katura okubakorera besebugenyi babiri. Okuba amwi arisokako oumwi, nenda oundi, amwi naruma ku umwi, nagaya oundi. Mutakutura kukorera Nyamuanga no kukorera obuni:bi one.

Kambe Nyamuanga araba kafwafya obunyasi bwa mu ndiri bunu buriwo rero, na mutondo obweswa mu co:to, ?mbe ka atakubafwafya emwe kukira obwo, emwe abo kwikirisya okuto:to?

Nawe awe, uragabiraga abataka, okuboko kwao okwe bumosi kusigega kumenya okwe buryo binu okukora. Okugaba kwao kubega mu bumbise, na Esomwana unu karoraga mu bumbise arikuyana omuyero.

Mukabukega mutakoreraga ebyo oburengeresi bwemwe mu me:so ga ba:nu, korereki babarore, kwo kuba murakoraga kutiyo mutayabwega muyero Kwisomwana unu ari mu rwire.

Mbe mukasara:rira, musige kususana na bo rurimi banu abairiga obusu, okuba abe:surumbasya obusu, korereki barorwe ati abasara:rira. Ni cimari enibabwira ati, bamarire okuyabwa omuyero gwebwe. Nawe awe ukasara:rira, ibambagaga amafuta ku mutwe, wiyosyega mu busu, Korereki aba:nu basige kukurora ati, ousara:rira, tari Esomwana unu ari mu bumbise, na Esomwana unu karora mu bumbise, oyo arikuyana omuye:ro.