Popular Bible Verses from Genèse 6

શેર કરો

Ní an wùn̄ ti-Dindaan ki kɔ́-u kunimbaau u nín náań unil kitiŋ puee.

Ti-Dindaan nìn ká yii binib kpitii mɔ̀tīi wīintí kitiŋ pu. Baabadalee tibɔkpitil ŋma di nìn gbí bi-pɔbiliŋ poon bi dàkafī.

Ama Noowa baba di nìn fáatì ti-Dindaan.

Noowa nì u-biyaamu bɔti sɔ̀. Noowa nìn sá unimɔnti ní ki bí deedee u-yuntiŋu nib kansikin. U nìn nóó Unimbɔti mmɔntiim.

Ní ti-Dindaan bí yii: «See m kúntì binib bin m náańee kitiŋ pu. M làá kúntí-bi kí kpáaǹ tiwaŋkuti nì tin kɔkɔ fù ti-biŋŋi puee nì inoon kɔkɔ, kun puee an wùn̄-mi m nín náań-bee pu.»

Binib nìn kíĺ ki bíi bùtī kitiŋ pu, ní ki màl̄ mbinimpubiyaamu. Unimbɔti jipɔmbi ká yii binifoobi sapɔmbi ŋān̄ee ní bi lēekì bi-kansikin bin fáatiǹ-bee ki cáá. Ní ti-Dindaan bí yii: «Maa làá yàntī kufoou kun m ŋá unilinee ń nīn bí u-ni ki cá jaanjaan. Kun puee u sá tiwun ní ki bí iwɔfin. Waa làá yúntí kí jītí abin dilaataal nì mmuŋku pu.» Tinikpaandi nìn bí kitiŋ pu ŋyunti ŋun Unimbɔti jipɔmbi dɔ́miń ki cáá binifoobi sapɔmbi ki màl̄ mbiyaamuee. Míǹ boonee bi nìn gbíntì ki bí. Bíǹ di nìn sá bijanjaliibi bin nìn nyáń diyindi cannaakuee.

Ní Noowa lafun ŋá kii Unimbɔti nín bí yii ú ŋá puee deedee.

Ní Unimbɔti bí Noowa yii: «M làá kúntí binib kɔkɔ, kun puee bi yāntì tipɔmbɔti jíń kitiŋ kɔkɔ. M làá céetí-bi kitiŋ pu.

Á dū busubu bun bi yíì goofeeree dɔi kí kpáá meela, kí pìtī poon adiin kí bɔ̀ntī poon nì boon aŋɔ.

Unimbɔti nìn ká yii ikpiti jíń kitiŋ, di sá yii binib nìn dū bi-ba ki líì nì tikpitil.

Á dāá lēē tin kɔkɔ cáá kufoouee, kubuluu kamaa uja nì usal kí kɔ́ǹ meelan sii nì bi ń ŋmátí.