Popular Bible Verses from Matthew 18

શેર કરો

Ti lu chilu awed cha chuwa willu tiɏu un man-um-ummung gapu si ngachenku, awechak kan chicha.”

“Awed bo ibyegak kan chikayu: Lu awed man-asiteulan cha chuwa kan chikayu utla pita un chawatonyu, idchon Amak ud langit kan chikayu.

Ot ilayagen Jesus chi osaʼn alak ot pilasikedla si sangwalancha. Ot kalala, “Tuttuwa ibyegak kan chikayu, lu achipunyu byaliwan chi somsomokyu ya mambyalin un isun cha aalak, achipun kayu mipati si mampangatan Apudyus.

Ked lu silu mangipakumbyabya si long-egla un isun chi alak alla, siya kangatuwan si Mampangatan Apudyus.

Ked lu silu mangipotog si labyabyan tagu un isun chi allaʼn alak gapu si pammatila kan sakon, sakon bo ipotogla.”

Ibyegak kan chikayu tuttuwa, lu silu ipalityu utla pita, mipalit bo ud langit. Ked lu silu ipalubusyu utla pita, mipalubus bo ud langit.

Ot lagamput pun, kalan Jesus, “Katchi bo koon Amak ud langit si kacha osa kan chikayu, lu achipunyu pakawalon un sipupusu cha susuludyu.”

“Lu silu mangmangwa si makabyasuɏan cha alla un kabyabyaan un taguʼn mamati kan sakon, un-ulloy chi mitakod chi chakeɏ un biletuʼn gilingan si byegangla ked lan-alud si kalusgongan chi byeybyey.

Oli pun lan-alig si Jesus, kalala, “Simma koon chi osaʼn tagu un singgasut chi keɏlilula ked lataɏak chi osa? Kapilitan un telala cha siyampuɏu ya siyam si bilig un lamɏegela ked ummoyla singngit chi ossaan un lataɏak.