Popular Bible Verses from Luke 12

શેર કરો

Ked katchi bo kan chikayu, masapuɏʼn mansasaggala kayu, ti Sakon un Alak chi Tagu umaliyak si timpuʼn achipunyu lamlamaon.”

Ked un-ulaonyu isosomok chi Mampangatan Apudyus, ked idchola bo kan chikayu cha alla.”

Oli pun kalan Jesus kan chicha, “Allachenyu cha losan un kalasin chi kilaagum. Ti ha biyeg chi tagu ked chakampun si mibyeseɏ si kilaachun cha kukkuwala, ulay amod chi bilaklangla.”

Ti lu silu potpotgonyu, siya bo isosomokyu.”

Ha awed kamman akit icheay chi machanchalagen kayu si biyegyu? Pulus!

Oli pun kalan Jesus kan cha disipulusla, “Siyad ibyegak kan chikayu, achi kayu machalagen si kalonyu willu silupyu ya useɏonyu.

Ked sinchumadlu kan chikayu, ti ulay cha buukyu ammula bilangla. Ked achi kayu umogyat, lapotpotog kayu kan Apudyus lu cha achu un sissiwit.”

Intuɏuy Jesus un kalala, “Achi kayu umogyat, ulay lu akit kayu, ti pion Amayu un idchon kan chikayu Mampangatala.

Itullongyu ked cha gayang, achipun cha mammuɏa willu man-apit. Lappun aɏangchà mangiponpolancha si apitcha, ngim pakalan Apudyus chicha. Lapotpotog kayu kan Apudyus lu cha sissiwit.

Ked achi kayu machanchalagen si kalonyu ya ilumonyu.

Lu katchi in-ilon Apudyus un mampabiɏu si luut lawa un sin-akitan chi inggewancha ked lu bigat masgob, giluɏa kayu bo achila silupan? Ha lappun pammatiyu!

Ti losan un mitataɏu si sala, mitokweɏ lu sumin-eɏgew. Ked losan un lailimod si sala, lumtaw lu chumtong chi timpula.