Popular Bible Verses from Lûk 17

શેર કરો

Yesò shu abua tò nê, “Ndɨ̀ wu à zi èntɨ̧ɨ̧ wê ane yaã la, à pem. Lɔ̀Ꞌɔ a si me ghǎ àwê.”

Tà màà ngɨa kàbɔ̀ŋ abua yê ane ngò̧ tesà̧à̧mbe ane àliabȩ, à waꞋa a kàbɔ̀ŋ tò àfɨ̀Ꞌ àgème tà kɨꞋɨ̀ shu abua yê nê ye fà̧ la.”

Wòt kǒ ane yɔb ye ndɨ ye peme la, ngèble avi mbùꞋ me ŋȩa ngùꞋtè a Mbɔ̧ɔ̧mà. Nkɨ̀Ꞌɨ̂, ntèmè tènjûŋ ti a si a mbì Yesò, me ŋa atò mènkɔ̀ŋke. Ŋut bɔ̂ ngu wòt Sàmalìà.

Bɨ̀ me ko awɨ̧ ndɨ bɨ̀a ntsèka la. “Wanyɨ wè fà̧ ànəê abua yê, à ŋȩte atò, tà kubte mènəè kàbɔ̀ŋ mi, à waꞋa a kàbɔ̀ŋ tò.

Yesò nê, “Ka bɨ wu èghem àghɔ̧ yu a dzə ane yɨ̧ la à? Bòt babəèꞋa è wu neŋàà?

Yesò bɨ̀ɨ̀lè nê, “Bɨ bɔ ntɨ̀ mbɨ̀Ꞌɨ̀ èsaãaãme maŋkaŋa kǒ e taꞋa wua nkòòta la, ko betsiꞋa bɨ shu abua àyɨt yaa nê, ‘ŊeꞋe awê nè tèghàŋ adzìꞋ yaa ngà ntsèmè a èbem *èdzî’, ko àyɨt a ngaa aa ghɨ̌ mbɨ̀Ꞌɨ̀ bɨ shu la.”

Wòt me baabe àtsəa zi, ko taa pfə wuê pfə. Mbə wòt pfə ko taa li bɔ mèmpème.

Yesò ghɨ̀ ale, è shu abua bɔkatè bi nê, “Èghɨ àa ngɨ̀à bòt e ghɨa kàbɔ̀ŋ la e bɔ ndɨ àa kɨꞋɨ la. Ka aa li bɨɨ àbâ wòt wu tà ghaꞋa èlu̧ ka e kɨꞋɨ la. Tà tsiꞋi te ghɨ̌ è weko ane ebe techɨɨle bàa naa ghɨa kàbɔ̀ŋ, a bɔ̂ŋ nê bɔ sèlè taꞋa èti àmî a tò, màꞋa atò a èbem *èdzî.

“Èlɨ mènəè li ngɨ̀ àfɨꞋa Noà la, wu ndɨ nàa li ghɨ̌ àfɨꞋa Waã Wòt nàa nkɨ ekɨꞋɨ la. È li ngu àfɨꞋa mbɔŋ bòt e me jɨa mè nua, mbâ̧tsə nè bèzi e me yɔꞋɔ awɔb tè ngà dzəè àfɨ̀Ꞌ yu Noà li nyi a èbem ànkànuꞋ yu la. Mèleb mu kɨꞋɨ ndììme awɔb bàgème.