Popular Bible Verses from Jɔ̌n 21

શેર કરો

Mbɨ̀Ꞌɨ̀ bɔ jɨ èghɨjɨ bu tè ndɔ̀Ꞌ la, Yesò bììte Simùn Pità nê, “Simùn waã Jɔ̌n, tè à kɔ̀ŋke am tè ntsè bòt ba à?” Pità shu abua tò nê, “Oò a Tè, à ko nê, maà nkɔ̀ŋkà awê.” Yesò shu abua tò nê, “Me jɨɨ bɔɔnjɨ̀ bɔ̧.” Yesò mè mbììte atò nê, “Simùn waã Jɔ̌n, tè àà nkɔ̀ŋkà am?” Pità shu abua tò nê, “Oò a Tê, à ko nê, maà nkɔ̀ŋkè awê.” Yesò shu abua tò nê, “Me baabe njɨ̀ taã.” Yesò mè nkwetê mbììte atò nê, “Simùn waã Jɔ̌n, tè àà nkɔ̀ŋkà am?” Tà biite ale, a saa Pità nkàà nê tàà mbììta ale è wu ngò̧ tetat tà biite atò nê, “tè àa nkɔ̀ŋkè am” la. Tà ghɨ̀ ale mbɔ̂ shu abua Yesò nê, “Tê, à ko ànəa àgème, à ko nê, maà nkɔ̀ŋkà wê.” Yesò shu abua tò nê, “Me jɨɨ njɨ̀ taã.

Ane nkûŋ, tsiꞋ è shu awê nê, è li ngu àfɨꞋa à bèlè wakèsà la, à ghɨ̀ à kwǎ̧ ndǐ tê, nga àdziꞋa à kɔ̀ŋkè la, ka aa me ghɨ̀ tê ndèn, ntsìꞋa nyààbà èbu bê, ka bòt tsa e zìà ndǐ a mbɨ̧̀ yê, mbɔ̂ nɨa wê nɨa nga àdziꞋa kà à kɔ̀ŋke eghǎ.”

Yesò mè shu abua yɔb nê, “Bɨ̀ màꞋa tasat wu àbâ àbualu̧ ko bɨa baãaã basə.” Ale, bɔ màꞋà tasat wu, basə e nyi a èbèm, tè bɔ tsiꞋa səa a màntsàà a èbem ànkànuꞋ yu kekaŋ.

Simùn Pità shu abua yɔb nê, “E tsiꞋa nga me baãaã basə bɔ̧.” Bɔkatè ko bu e nê, “Ba nè ba aa ghà nɔ̂.” Ale, bɔ dzəè ngà nyi a èbem ànkànuꞋ, ka ètsəꞋ e me laꞋ nê aà ntsìa, bɔ̀ ka baãaã ka wuê asəâ wemɔ̀Ꞌ.