Popular Bible Verses from NJOANA 19

શેર કરો

Yiesû aaciia ndibei înu. Auga, “Nkûthiria ngûgî yakwa.” Eenîka kîongo nthî, aakua.

Yiesû naamenyaga mantû monthe maakarîkaga wabûra maarî makarîke. Na kaingo *Maandîko Maatheru maûyûra, auga, “Inkwîgua bûûta.”

Yiesû akwona gina arûngi akubî na mûrutwa ûra Yiesû eendeete mûno, eera gina, “Taata, ûyu i mwana waku.” Eera mûrutwa ûyu n'we, “Naawe ûyu i nyûkwe.” Na kuuma îgiita rîru, mûrutwa ûyu eetîgîîria gina wa Yiesû aatua gûkaraga gwake.

Bagûkinyîîra Yiesû, boona we naarî agûkua. Kwoogu bataamuunanga magûrû maake. Îndî mûcikaarî ûmwe amûmunta mbaru na îtumo. Auma nthakame na rûûyî. (

Mantû mama maakarîkire kaingo *Maandîko Maatheru maûyûra, mara maugîîte, “Gûtirî mwîndî wake ûkaunwa.” Kaîrî bantû angî Maandîko Maatheru mauga, “Bakoona ûra baamuntire.”

Yiesû aakamata mûtharaba ûra akaambwa. Baumagarûka baathi baakinya bantû eetagwa, ‘Kîîndî gîa kîongo.’ (Na Kîîbirania eetagwa ‘Gorogotha’.)

Acikaarî baatumania matî ma mîîgua maakara ta nthûmbî ya ûnene, beekîra Yiesû yo kîongo. Baacooka kaîrî bamwîkîra nguo îndaaya ya rangi ya ûkûyû.