Popular Bible Verses from Juan 6

શેર કરો

Si Jesus nagsiling sa ila, “Ako amo ang tinapay sang kabuhi. Ang nagapalapit sa akon indi na gid paggutomon, kag ang nagatuo sa akon indi na gid pag-uhawon.

Ang Espiritu sang Dios amo ang nagahatag sang kabuhi. Ang unod indi makasarang sini. Ang mga pulong nga ginahambal ko sa inyo nagahalin sa Espiritu sang Dios nga nagahatag sang kabuhi.

Magpangabudlay kamo indi tungod sa kalan-on nga nagakapan-os, kundi magpangabudlay kamo tungod sa kalan-on nga nagatener kag nagahatag sang kabuhi nga wala sing katapusan. Ini nga kalan-on igahatag sa inyo sang Anak sang Tawo, tungod kay ginbutang sang Dios nga Amay sa iya ang selyo sang iya awtoridad.”

Kay amo ini ang kabubot-on sang akon Amay: nga ang tanan nga makakita sa Anak kag magtuo sa iya magaangkon sang kabuhi nga wala sing katapusan, kag akon sila banhawon sa katapusan nga adlaw.”

Si Jesus nagsabat, “Amo ini ang bulohaton nga luyag sang Dios nga inyo himuon: magtuo kamo sa iya ginpadala.”

Ang tagsatagsa nga ginahatag sang Amay sa akon magapalapit sa akon, kag ang bisan sin-o nga nagapalapit sa akon indi ko gid pagsikwayon.

Si Simon Pedro nagsabat sa iya, “Ginoo, kay sin-o bala kami makadto? Yara sa imo ang mga pulong nga nagahatag sang kabuhi nga dayon.

Ako amo ang buhi nga tinapay nga naghalin sa langit. Ang bisan sin-o nga magkaon sini nga tinapay magakabuhi sing dayon, kag ang tinapay nga akon ihatag amo ang akon unod para sa kabuhi sang kalibutan.”

Wala sing may makapalapit sa akon, kon indi sia pagbuyokon sang Amay nga nagpadala sa akon, kag banhawon ko sia sa katapusan nga adlaw.

Kay ang tinapay nga ginahatag sang Dios amo sia nga nagapanaog halin sa langit kag nagahatag sing kabuhi sa kalibutan.”

Ako amo ang tinapay sang kabuhi.

Dayon ginkuha ni Jesus ang tinapay, nagpasalamat sia sa Dios, kag ginpanagtag niya ini sa mga tawo nga nagapungko didto. Amo man ang ginhimo niya sa isda, kag ang tanan nakakaon suno sa luyag nila. Sang nabusog na sila tanan, nagsiling si Jesus sa iya mga gintuton-an, “Tipuna ninyo ang mga nabilin nga wala sing may mausik.”

Sang nakabugsay na ang mga gintuton-an sing mga lima ukon anom ka kilometro nakita nila si Jesus. Nagalakat sia sa ibabaw sang tubig nga nagapalapit sa ila sakayan. Hinadlukan gid sila, pero si Jesus nagsiling sa ila, “Indi kamo magkahadlok, ako ini!”