Popular Bible Verses from Jɔɔn 14

શેર કરો

Mi ale basi ate ni ta suiyɔgni. Suiyɔgni dii ate mi ayen m te ni la ka di tɔga ale tɛŋka meena demma suiyɔgni. Ni kan a yiili abe ni a chali yɔgsummoa.

Yeezu yaa weeni wa ayen, <<Mi ale suiku ale wensieŋa ale nyuvunni, waai a kan baga a jam Kowa jigi ya alege ka wa nin va mi jigi.

Yeezu yaa weeni ba ayen, <<Ni kan basi ate ni sue a kaasi, ni ta siaka ale Wen abe ni ta siaka ale mi mɛ.

Alege Sagrɔwa, Wen Chiika, waai ate Kowa ale tom mi yuenni nyiŋ la, wa le sak ni wie meena abe wa basi ate ni teeri dii meena ate m weeni ni la.

Baai ale a wom mi wieŋa ale a va ŋa la a sak kama ayen ba a yaali mu. Mi mɛ ale pai m dek a sak ba abe mi a yaali ba. Ba le a yaali mu la nyiŋ, m Kowa mɛ ale yaali ba.>>

<<Mi le saalim m Kowa ate wa te ni Sagrɔ wa choa ate wa kasim a bo ale ni taam wuu. Wa ka wensie Chiik, waai ate tɛŋzuk de demma an tuesi wa la, dii nyiŋla ba an nya wa yaase ba seba wa, nama abe seba wa kama, diila wa bo ale ni kama, wa be le bo ni po.

Ni dan juisi jaabuuri meena mi yuenni nyiŋ m le nye a te ni, ate Kowa ale nya zula Nidoabinni nyiŋ. Jaabuuri meena ate ni a juisi mi yuenni nyiŋla, m le nye.

<<Ni dan a yaali mu, ni le nye dii ate mi a weeni ni la.

Mi Kowa yenni po ka diin bori. Mi abe pilim a cheŋ ku jigini kama, ayen m gomsi jigi a te ni. Ase ku dan kan daa dila, m te kan weeni ni.

M dan gomsi ŋa a nueri, m le ŋman jam a ta ni a cheŋ ku jigini ate nama ale mi a maa chaab a bo jigi yeŋ.

Tomasi yaa weeni wa ayen, <<M Nyɔnɔ Yeezu Kirisita, tama a diem zɛ juijui dek ate fi a cheŋ la. Ti be ti nye ka sɛ a seba suik kuui ale a cheŋ dula jigini la?>>