Popular Bible Verses from Lukasarini 4

શેર કરો

Apanll Taarashipan wani nuwash wizpur taachiya. Apap nuwaa ipuseeru, wipunasheemsha ínarangiya. Nuwaa kamachtaku, Yuw kiyung kachiykana anoo istashini, tárangiya. Pukireem nuwaa kuki kamanishini. Putamawaa tputs yanpushini. Tumanshishush wantsush taakana, anoo tashitungangcha. Yuw kiyung kachiykana an nimun kiyung kachiyachtazinllinaja, Apanll átanda, tángcha. Na musápa Apap iyaa istamaam kuschiya. Iyaa musásiritam izuuru tapachindachiya; tárangiya Isáysarini; Isáysarinshini wirkari natstaku, tárangiya Isusu.

Isussha: Watsta, ¿Tamaree ashchee? Watam Apari kuk atuwa: Apanlleetsimari Taarashipani ungirtangtsa. Anootsimari kuk payukus taangtsa, Apari, táranguwa. ¿Tamaree Apareetsi kuk kapeetchi? mang, tárangiya Isusu.

Isussha: Ndambaree. ¿Antaatiya tputs katungtsimunamari taarashish urutamash payutareeja? watam Apari táranlluwa, mang, tárangiya Isusu.

Isus Wangarinish mang chumayaru, waptam kanapurangiya. Waparimuna Wani kizpur taarangiya. Anush taarangu, minushpa zari apusapsha Wapar Wani Isusoo machtarangiya. Anush kuseeru

Isussha: Ndambari, Ngutis, Apanllee tamasingarus, ¿Tamaree Apanll iyaa istach? tárintspa, Apari watam táranlluwa, mang tárangiya Isusu.

Táyaru, Yashing' xapooyaru, natumasam Isusoo kasarangiya, manga.

Táyaru, Yashing' machip íwar Isusoo machtayaru, tsapurunasee ichinguru yámandarangiya; yaktaa ichinguru yámandarangiya, manga. Yámandayaru, Yashingsha: ¿Kurik wanipa parangsha? Kizpur kurakaam kinapish panachinllpa. Nuwamari ishinkina. Zandkuri, tputseem panachima. Itaru, shiyma nuwaa Apanlleem ínangandama. Ashkachush, yuwaa yámandarangi anoo ashpari panachinllpa, mang, tárangiya Yashingu. Isussha: Watsta, ¿Tamaree ashchee? Watam Apari kuk atuwa: Apanlleetsimari Taarashipani ungirtangtsa. Anootsimari kuk payukus taangtsa, Apari, táranguwa. ¿Tamaree Apareetsi kuk kapeetchi? mang, tárangiya Isusu.

Táyaru, Yashingsha Irusarinap Isusoo machtarangiya. Apanllimun pangu wazingarimun tunaringarangiya. Tunaringayaru, Yashingsha: Apanlleesha Wipish; tspusangi, tárangiya. Mazinangcha; Watam Apanllsha waana wasundururee siyaa ksutamaam zangankuwa. Yaptaa naakis ambtaa wasundurursha uru siyaa ksutchiya. Uwpat siyaa pazurangpaz ashtachiya, nda siy patumbchimun pazis tpuu ashimaama, Apanll átcha. Natu yachangi; ¿tamacheezish? mang, tárangiya Yashingu. Isussha: Ndambari, Ngutis, Apanllee tamasingarus, ¿Tamaree Apanll iyaa istach? tárintspa, Apari watam táranlluwa, mang tárangiya Isusu.