Popular Bible Verses from Эклц 17

શેર કરો

Абрамиг йирн йистәднь Деед Эзн терүн тал баралҗ ирәд келнә: – Би Хамгин Күчтә Бурхнв, Мини эв-арһар бә, нерән бичә һута.

Чамаг дәкҗ Абрам гиҗ келшго, чини нерн Абрахам болх. Чамар Би олн келн-улсин эцк кенәв.

Би чамла бооца кенәв. Мини болн чини хоорнд, чини иргч үйнрин хоорнд мөңк бооца кенәв. Би чини Бурхн болнав, чини хөөт үйнрт Бурхн болнав.

– Чамла кеҗәх Мини бооцан эн: чи олн келн-улсин эцк болхич.

– Чини гергн Сарра чамд көвү һарһх. Терүнд чи Ицхак гидг нер өгхич. Би Ицхакла болн терүнә хөөт үрдтә Эврәннь мөңк бооцаһан кенәв.

Чи оруд күн болҗ бәәх Канана һазриг чамд болн чини хөөт үйнрт мөңк эзллһнд өгнәв, теднә Бурхн болхв.

Абрахам түргүр унна. «Зун наста күүнәс көвүн һархий? Йирн наста Сарра көвү һарһхий?» – гиҗ инәһәд санна.

Бурхн дәкәд Абрахамд иигҗ келнә: – Чини гергн Саран тускар болхла, терүг дәкҗ Сара гиҗ келшгоч, терүнә нернь Сарра болх.

Залу күн болһн бий махмудын үзүринь керчүлх йоста болҗана. Эннь Мини болн тадна хоорнд кесн бооцана темдг болх.

Болв Эврәннь бооцаһан Би Ицхакта кенәв. Дарук җилд эн цагла Сарра чамд тер көвү һарһҗ өгх, – гиҗ Бурхн келв.

Төрәд 8 өдр күцсн эр күн танад керчүлгдх йоста. Үйәс үйд тиим болтха. Чини хөөт үйнр, цуг зарцнр: чини герт төрснь чигн, хәр күүнәс мөңгәр хулдҗ авгдснь чигн керчүлгдх йоста. Цугтан керчүлгдх йоста. Тегәд Мини мөңк бооцан тадна махмудт бооцана темдг болх.