Popular Bible Verses from aYohana 6

શેર કરો

Ayong aYeso fe̱ be ba ye, “Mi ne i nye naya naya na ta nyesek kutser. Aner aya a ta be̱ nunaan, a ba tà fok izong baꞌ. Aya a ti no̱o̱k katsak natoon'i, a tà ba fok kuto̱ kukoor baꞌ.

Kabik ne ka nyesek kutser, kuro̱m ti barang ike̱ng ikak baꞌ. Rife̱ mi tá fe̱ be yin nye rife̱ kabik ne kutser.

Sang tu so̱ yin risam ni itomong naya nafe na tana beseng baꞌ, amma nye yin itomong natoon naya nafe na tana no̱o̱k kutser kufe izen izen. Iyuna ne i nye kuri naya Igon Anerawe tana ka no̱o̱k yin. Kamok Ada yir Adakunom min te izizo̱ wu ni wu.”

Kamok kushim Ada mi nye ye, koangan afe a tin sak anyisi na Igon'e ne a ni no̱o̱k katsak, a tà se̱ kutser kufe izen izen, ne mi ku dorok katuk igang'e.”

Ne aYeso fe̱ be ba ye, “Ike̱ng ife Adakunom ta shim yin ta nye yin nye: Ni no̱o̱k yin katsak naya afe wu tá tom.”

Koangan afe Ada tin no̱o̱k, a tà be̱ nunaan. Aner aya afe a ta be̱ nunaan, mi tù ku ro baꞌ.

aSiman Bitrus fe̱ ye, “Atekasa, yir ta tseng yir nufe angan e̱? Wan ne i ta be Rife̱ Kutser.

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

“Akak ta kyem a be̱ nunaan baꞌ, ma ke Ada'me a tin tom ne a tu ko̱ro̱k, ne mi ku dorok be kutser katuk igang'e.

Naya Adakunom nye aya a tá ne naza a tá tiik kaben ne a no̱o̱k kazatse kutser.”

Mi ne i nye naya kutser.

Ayong aYeso sok abiredi'me nong a tá nye aduwa, a tonong riye̱ rikan wu, ne a kasap ánerawe á tá sosok kyo̱ndi ba tá shim. A nye anong be izos'e gip. A tá fa ya a whas cei ba, ne aYeso fe̱ be álimazhiri wu ye, “Tusung yin ikpis'e iya ba tá won, tú won yin ike̱ng ikak tá beseng baꞌ.”

Nama ba tá tseng kyo̱ndi akilomita atoon ka igataar ana, ba di aYeso tá sen tseng natoon ashi, a tseng a be nabas kukpara ashi'me, yong ba fok inyim dide̱ng. Ne aYeso fe̱ be ba ye, “Sang tu fok yin inyim baꞌ. Aner'e nye mi.”