Popular Bible Verses from Ko fɔlɔfɔlɛ 15

શેર કરો

Iburama dɛnkɛnɛyata Alatala ma, wolo ka a ma Alatala ka a bita mɔgɔ telendeŋɛ la.

Wo koenu tanbi kɔma, Alatala kumata Iburama ye kiboe tɔ, a ko: «Iburama i kana kilan, n si i latanga koe bɛ ma. N si i baraji a banba la.»

Wo kɔma, Ala ka Iburama labɔɔ bara tɔ, a ka a fɔ a ye: «Saŋɛ fɛlɛ ba, i ni loolenu kɔnti ka i si nɔ anu kɔnte lɔnna.» A mɛn ka a fɔ a ye: «I bɔnsɛ si siya le iko i be loolenu yenden ki min na kantɔ.»

Kɔnɔ Alatala mɛn kumata a ye, a ko: «Ade, ale le bele mala i kɛɛ jiganná la de! I be naala deŋɛ min sɔtɔla, wolo yati be mala i kɛɛ jiganná la.»

Alatala ka a fɔ a ye, a ko: «Iburama, i ni i tolomasɔ n na, i bɔnsɛ si naa ma le lun do luntaŋɛ la duge do tɔ. Ɲɔ kaanu si naa anu ma le joŋɛnu la, anu mɛn ni anu ɲagankata koola han san kɛmɛ naani.

Iburama ka a jaabi, a ko: «N Marigi Ala, n be naala fagala le, i be fondo diila n ma fenna? Den bele n bolo min si n kɛɛ jigan, fɔ n na walilá Eliyɛsɛri, min be bɔɔren Damasi saa tɔ.»

Wo lun yɛtɛ, Alatala ka lahire jigan a nun Iburama tɛma, a ka a fɔ a ye, a ko: «N si naa kɛ duge dii i bɔnsɛ ma, ka bɔɔ Misira kɔɛɛ ma, tagala han kɔɔ banba ma, min mu Efirati kɔɛɛ la.

I la deŋɛnu bɔnsɔ naaniɲɔgɛ, wolo be saagila yan. Bayi, yan mɔgɛnu, minnu mu Amɔri kaanu la, anu la ko koroŋɛ ma tanbi a tɔ betunna, min si a ma n ni anu bee.»