Popular Bible Verses from Jɔn 15

શેર કરો

Menee ɡrepo daa la, asɛ he ɡee o kpala. Dɛ he bɛlbwa choŋi n nɛɛ kɛrɛdɛ asɛ n ɡe lawɔ pɛl n te naa, anee ó won nɔnɛ kɛrɛdɛ. Dɛ he ta n nɛɛ cheɡɛ te naa, haa won ɛ wobɛlbwa.

Hé kpɔ he te pɛl mɛ ásɛ n ɡe lawɛ heyaa pɛl n te. Grepo da kpale aa won nɔnɛ dɛ o ta o tenten ta choŋe. Gɛ tentenee dɛ he ta he te kpɔe pɛl mɛ naa, haa wola won ɛ wobɛlbwa.

Hé kpɔ he te pɛl mɛ asɛ n webaɡla ɡe do he liire bini naa, he dɛ soŋe komɛlbwa haa dɛ nyin aa, hɛɛ dɔɔ.

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Nyina bɛlbwa toole dɛ ɡwaa kɛŋɔ nɛn aa wona koh o daamanar waa dɛ sewɛ.

N kpale bɛlbwa waa wola nɔnɛ la, o teŋo dɛɛ ta, kɛ n kpale waa won nɔna la te, o dɛ kuu o nyoo ó won nɔnɛ kɛrɛdɛ.

Waa maa kpɔa tɛ heyaa laanee la. Hɛ́ɛ nyin dɔŋa ɡɛ maa dɛ nyin heyaa la.

Dɛ he wono dɛɛ ɛ n Mɛɛ tetoowaa kɛŋɔ kpale waa dɛ nɔnɛ kɛrɛdɛ naa, wɛɛ dɔ jirimaa. Anee dɛ baɡle kɛ n habɔteŋraa heyaa kpela.

Yeesu berɔ sɛɡ ba ŋɔ, “Menee ɡrepo daa tenten waa dɛ nɔnɛ, asɛ n Mɛɛ ɡee paa la.

Dɛ he bɛlbwa ta o te kpɔe pɛl mɛ naa, wɛɛ ɛo kɛŋɔ daa kpale baa teŋo ta asɛ o hol la. Kpala aa do ken la, pae ba paa dɛɛ do nii ta, aa fuh.

N baɡle heyaa waa nɔ ásɛ he dɔ n silɛɛ dɔŋ, ásɛ he sie lɛ ka tonɛ.

He dɛ teŋɛ waa maa kpɔa tɛ heyaa la ta naa, haa he tenee laa kpɔ n nyina maa dɛ nyin heyaa la ta, kɛŋɔ maa teŋɛ waa n Mɛɛ aa kpɔa tɛ mɛ la ta maa wola n te laa kpɔ o nyina ta la.

Waa maa kpɔa dɛɛ tɛ heyaa laanee kɛŋɔ, hɛ́ɛ nyin dɔŋa.”

Dɛ he fe ɛ ba bini bane aa, ba fe ɛɛ nyin heyaa. Kɛ maa le heyaa le ba bini he ɛ n nɛra la waa ba hah heyaa la.