Popular Bible Verses from Yôhan 4

શેર કરો

Ơi Adai jing bơngăt mơyang, hnŭn yơh ƀing kơkuh pơpŭ kơ Ñu, khŏm kơkuh pơpŭ hăng bơngăt jua laih anŭn hăng tơlơi sĭt.”

Samơ̆ mông giăm truh, laih anŭn ñu truh laih, tơ ƀing mơnuih kơkuh pơpŭ hăng tơlơi sĭt, či kơkuh pơpŭ kơ Ama hăng bơngăt jua laih anŭn hăng tơlơi sĭt; ƀing kơkuh pơpŭ kar hăng anŭn yơh Ama kiăng.

samơ̆ hlơi pô mơñum ia Kâo či pha brơi, ƀu či mơhao dơ̆ng tah; ia Kâo pha brơi či jing hĭ amăng ñu sa bĭt akŏ ia ƀlĕ bluh hlŏng truh pơ tơlơi hơdip hlŏng lar.”

Yêsu laĭ glaĭ: “Tơdah ih thâo mơnơ̆ng Ơi Adai pha brơi, laih anŭn tơdah ih thâo krăn hlơi pô dŏ pơhiăp hơbĭt hăng ih: ‘Pha kâo mơñum ia ih đa,’ tui anŭn ih pô či rơkâo kơ Ñu, laih anŭn Ñu či brơi ia hơdip kơ ih.”

Yêsu laĭ kơ ƀing gơ̆: “Mơnơ̆ng ƀơ̆ng huă Kâo jing ngă tui hăng tơlơi kiăng Pô hmâo pơkiaŏ rai Kâo, hăng ngă pơgiơ̆ng hĭ bruă Ñu.

Đah kơmơi laĭ kơ Ñu: “Ơ Khua, ih ƀu hmâo kơthŭng sŏ ia ôh, hloh kơ anŭn ia dơmun anai dlam dơ̆ng; tui anŭn mơ̆ng pơpă ih hmâo ia hơdip anŭn lĕ?

Đah kơmơi anŭn laĭ kơ Yêsu: “Kâo thâo Yang Mêsi či rai ‘Pô anŭn arăng iâu Yang Krist’; Tơ Ñu rai, Ñu či bơrơđah brơi kơ ƀing ta abih bang tơlơi.” Yêsu laĭ kơ ñu: “Kâo, pô dŏ pơhiăp hăng ih, jing Pô anŭn yơh.”

“Rai bĕ, lăng sa čô đah rơkơi hmâo laĭ djơ̆ abih bang tơlơi kâo hmâo ngă laih. Pô anŭn ƀu djơ̆ Yang Krist ôh hă?”