Popular Bible Verses from LUKA 17

શેર કરો

Jesu nynh tuh-e paw tuh, “Thokuh, la cceih ccavae, na zynnaw nynh ae dansah vae,” a cipya.

Nin kheit lungkhu na tungvaw vae sari sei zah nin kheit lungkhu vae sari na kalan yn ki zah, ‘Ka ngaesikuh,’ ae cipya ze, na la ngaethya cih,” a cipya hae.

Minmin lakuze lukheitpaw nynh a dannaw kha he a muihkuh tuh, ki zah roi accae lante Pachia kha the a hoysah. Jesu cculeihpaw khe bakhung zah lungtuabya a ho; tuh-e paw tuh Samariapaw nynh thua.

La raeringkuh oh! Na uno nynh a sei ze la thuihei, a ngaesiku ze la ngaethya.

Jesu nynh, “Vaethya ccinaw a thyaa hae paw kha lu haw thua khyh tou? Lu takua hae so teimou a um hae?

Bawipaw nynh, “Nanning nynh mungngia cii cia zynnaw na hoi oh ze hynh-e thaeku ku hynh, ‘Na tharui kyate phohkuh lah rili lungkhu lang la bingkuh,’ na cipya oh ze, tuh-e nynh nae kaw phe ae ngae cih oh.

Humhung zemah a hiinnaw khumku lan a zuakuhpaw tuh a hiinnaw a shung cih, a hiinnaw a shungpaw tuh a hiinnaw a khyn cih.

Jesu nynh zuitu hae kha, “Seinaw lungkhu lang a ccawsahpaw uccaw hae tuh palei a um cih, thuasalama tuh-e uccaw hae a umsahtupaw hanlan ngaethya lan kou um! E imua taraw hae lukhakheit kha seinaw a raesah lae tuh a nging kyakhe mianawpaw lung kha sae lan zah rili lungkhu lang ccaring vua lanze amaw hanlan ahoyhua.

Noah ccyh lya a la cyiku hawte Ccungccaw Ccapaw ccyh kya mah yn cyihkuh cih. Noah nynh sanphalung lungkhu lang a tee nin cia, ccungccaw hae tuh aete, niate, zudykute, zudypyakute a um hae, te tuipayn yn ynkuh zah mih balynte marya a ro hae.