Popular Bible Verses from Injil 4: Hannan 6

શેર કરો

Isae ḳoila, “Ami-u hou zindegi-ruṭi. Ze zon amar gese ae, tar kunu shomoy buk lage na, ar ze amar ufre iman ane, tar kunu shomoy fiase-o dore na.

Tumra buzrae ni, manshor shoril to beḳama, ashole ruhu oilogi zindegi. Ami tumrare ze boyani koilam, ita oilogi manshor ruhu ar zindegir befar.

Oḳon huno, duniabi ze ḳani nosṭo oizae, tar ḳore guria lab kita? Ze ḳani kunudin nosṭo oy na, borong aḳeri zindegi dan ḳore, tar ḳore oia guro. I kani to ami bin-Adome tumrare dimu. Ou eḳtiar ḳali amar ase, amar gaibi baf Allae-u itar forman deḳaisoin.”

Amar bafor munsha oilo, zara tan futre dekia tan ufre iman ane, tara zanu aḳer fae. Ar ami-u tarare Ruz Hashoro zinda ḳori tulmu.”

Tain ḳoila, “Allae zare faṭaisoin, tan ufre iman ana-u oilo Allar ḳam.”

Amar gaibi bafe zerare amar ato dein, tara hoḳol-u amar gese aibo. Ze zon amar gese ae, ami kunumonte-u tare bare falaitam nae.

Saimon-Fitore zuaf dila, “Huzur, amra ar ḳar gese zaitam? Aḳeri zindeganir talim to ḳali afnar gese-u ase.

Huno, ami-u oilam hou zinda ruṭi, ze ruṭi behest taki lamia aise. Ze zone i ruṭi kaibo, he siroḳalin zindegi faibo. Amar ḳaya-u oilo ou ruṭi. Manshore siroḳalin zindegi dibar niote ami amar deho-ḳaya bilai dimu.”

Amar ze gaibi bafe amare faṭaisoin, tain ashik na banaile kunu manush-u amar gese aito fare na. Ar ami-u tare Ruz Hashoro zinda halote tulmu.

Ar Allar deoa hou ruṭi oila ou zon, zein behest taki lamia aia hara zogotre zindegi dein.”

Ami-u zindegi-ruṭi.

Bade tain ou fasḳan ruṭi ato loia Allar shukria adae ḳoria erare baṭia dila. Oula biran mas-o baṭia dila. Ze zoto sailo, he otoḳan failo. Hoḳol manshe feṭ bori kailo. Ḳaia harle Isae tan sahabi oḳolre ḳoila, “Ḳanir bade zeta roise, tumra ota ekḳano dola ḳoro, kunta falaio na.”

Onuman tin-sair mail nao baia zaoar bade tara deḳla, Hozrot Isa fanir ufredi aṭia tarar gese aira. Ita dekia sahabi oḳole kub ḍoraigela. Ou shomoy Isae tarare ḳoila, “Ḍoraio na, i to ami.”