Popular Bible Verses from NASEPTE 1

શેર કરો

Hinanleh natung uah Khasiangthou a hungtun chiangin sil bawltheihna nanei ding ua; tuachi`n Jerusalem khua ah zong, Judea gam tualeh Samaria gam jousiah ah zong, tualeh leitawp tanpha in zong ka thu theihpihte na hi ding uhi,” achi hi.

Tualeh aman akiang uah, “Pa in ahun leh ani ama thuthu a om ding a aguat, nou natheih ding uh ahi kei, achi hi.

Tualeh amauh tawh kipawl jel in, “Jerusalem khua paisan kei unla, hinanleh Pa silchiam ka gen najak uh hua nangak un, chi`n thu apia hi. Ajiak Johan in tuiin hung baptist ngut a, hinanleh nou ni sawtlou nungin Khasiangthou in baptisma natang ding uh,” achi hi.

Akiang uah gentheihna athuak nungin theihpihna tampi-in hingin aki musak a, nisawmli sungin akiang uah tamveipi akilak a, Pasian gam thu agen gen hi.

Tualeh hih thute agen zoh in, amuhlaipi un laktouh in aom a, meiin amuhphak louhna uah ala mangta hi.

Tualeh apaitouh lai a amau`n vanlam a et et lai un, ngaiin, minih puankang silh in akiang uah ahung ding ua, huate`n, “Galili gam a mite aw, bangding a vanlam en a ding ding na hi ua? Hih Jesu na kiang ua pat a laktouh a om namuh mahbang un, a mahmah ahung paikik ding hi.”