Popular Bible Verses from JOHAN 6

શેર કરો

Jisu na mathu wi kiza, “Hi kahang mesawa tsü, thowa na hi wi gho khe ma khiela ghama meyacha; nu thowa na hi nonditen khe ma khiela dighe meyacha.

Kahang khuchi ketenwa tsüna Aghamu; asajjü hana mangla sa keya nmi. Hi nthu wi kekhi jüh tsüna Anyiza kahang khuchi keten Ghamu.

Dedia keten tsse ha bha pi ketizen nsa lalo, isala anuphan kahang ben keten tssewa ghena kuli yalo. Atsse hawa ha Anyi Tsawa na pi nthu cüden, kepaghenanye Abawa Anyiza na ma kessikeya pi ma miwi jenkidha.”

Kepaghenanye hawa ha iBa kenenwa: Atsawa muya nu ma nondi keyathu tsüdila anuphan kahang benyaden, nu hi asakhen tsathang wi mathu zanki pi kahang wi chiyaden.”

Jisu na luneng, “Anyiza na nthu ya sa thsü mvu kebenwa tsüna nthu ya ma kesun kechiwa tsü nondi yalo kesa.”

IBa pi hi kecüthu tsüdila hi wi ghoden. Nu thowa na hi wi gho khe hi khiela ma teshi meyacha

Simon Pitor na ma luneng, “Apvüwa, ikhang no teshi nu thowa wi wa nu? No anuphan kahang jühthu tsü ben.

Hi tang wina kedugho mesawa tsü. Anyi thowa na amesa ha dsaya khe ma anuphan hang benden. Ayyi nyi yala kahang benya thsüle kesa ghena hi khuchi ketenwa tsüna isa.”

Anyi kesütan la hi kesun kechiwa Abawa na ma ssi nkegho tsü hi wi ghoya nben, nu hi asakhen tsathang wi ma zanki pi kahang wi chi cüaben.

Kepaghenanye Anyiza na khukechi amesa tsüna tang wina kedughowa ha kahang pi ayyi nyithu cüden.”

Hi kahang mesawa.

Tsaseng wi Jisu na amesa khuya nu Anyiza keseng kekhie sachi, nu tsü pi anyi ciwi donki kebenthu wi gishü chi. Ma anga la sen nu tsü makesü sachi, nu mathu tsüdila kedsa mvu chu dsaya. Mathu tsüdila anonkwen keya seng wi ma ma sansikeyathu wi khi, “Kesütanla meyasa thsüle kesalina kedsatuthu tsü saghuyalo.”

Sansikeyathu na ahun wina kilometer manga tugho wa kesa wi Jisu na atssü miwi alentsen sen nu mathu hun tetsaki gho keten muya nu mathu qhethiketen sa. Isala Jisu na mathu wi khi, “Hi le, nmessi lalo!”