Popular Bible Verses from 創世記 6

શેર કરો

上主道嘆佢造人在地上，心中憂傷。

上主看到人類在地上罪惡滿滿，人人心中歸日所想个全係邪惡。

總係上主歡喜 挪亞 。

挪亞 个後代記在下背： 挪亞 係正直人，係當時一個無好嫌个人；佢㧯上帝有親密个交往。

上主講：「𠊎愛對地上消滅𠊎造个人類，也愛除滅獸類、爬蟲㧯飛鳥，因為𠊎後悔造它兜。」

人類在地上開始增加个時，也有𫱔妹仔。 該兜稱做上帝孻仔个看到人類个妹仔盡靚，就隨意擇去做𡜵娘。 上主講：「人既然屬肉體，𠊎个靈就毋會永遠在佢底背，所以佢个壽命可以到一百二十歲。」 該時以後，在地上有高大个人；佢等係稱做上帝个孻仔㧯人類个妹仔所𫱔个後代，係古時代个英雄㧯名人。

挪亞 就完全照上帝所吩咐个去做。

上帝對 挪亞 講：「𠊎決定愛滅掉所有个人，因為世界充滿佢等个兇暴；𠊎愛將佢等㧯這世界共下消滅。

你愛擇松柏樹料做一隻大船；底背愛有當多間房，外背、底背全部漆松香。

上帝看全世界已經敗壞，所有个人在地上所行个非常邪惡。

一切有生命个動物各一對，一公一乸，你愛帶入大船，做得在你該位保全它兜个生命。