Popular Bible Verses from TIBIRIK 17

શેર કરો

Kan Abram mbŭh prii puru-prii sawa umbur-i, TUHAN pinandŭng adŭp-i di ayŭh ka nang, “Aku ati Tapa Bisa-pŭrŭg. Nundok di Aku ka ndai kayuh adi batur.

Dŭn mu dŭh tia Abram, pak Abraham, sabab Aku bada kuu jadi pingubak bagŭ bangsa.

“Aku re kingat janji Ku di kuu ka di sesang mu di turap turap adi re, da jadi simanya adi tan adu adu. Aku re jadi Tapa mu ka Tapa bara sesang mu.

“Aku ndai simanya ati ngga kuu: Aku bijanji kuu re jadi babuk yŭn bagŭ bangsa.

Pak Tapa nang, “Dŭh. Sawŭn mu Sarah re biranak ndi anak dari, ka kuu re kadŭn ayŭh Isaac. Aku re adu adu sita simanya Ku ngga ayŭh ka ngga bara sesang-i. Anŭ inŭh simanya adi tan adu adu.

Aku re nggen di kuu ka di sesang mu tana ati adi yŭn mu madin jadi daya pinami. Ndi tarun tana Canaan re adu adu dog dapu bara sesang mu, ka Aku re jadi Tapa ngara.”

Abraham mutu ubak-i ndŭg ka jawin-i dog tana, pak tawŭh kan ayŭh pikir darŭm asŭng-i, “Tungang kah daya biyŭn anak kan umbur-i mbŭh siratus sawa? Tungang kah Sarah biyŭn anak kan umbur-i mbŭh prii puru sawa?”

Tapa nang di Abraham, “Kuu dŭh siŭn tia bagan sawŭn mu Sarai; so madin dŭn-i inŭh Sarah.

So madin kuu dŭh siŭn dŭh nyunat barang naan anak dari kan umbur ngara mbŭh mai andu, samŭn urun urun adi dog biranak di ramin mu, samŭn urun urun adi miris mu so daya pinami. Anŭ meh adi re jadi tandā simanya adi Aku mbŭh ndai ngga kuu.

Pak Aku re ingat simanya Ku ngga anak dari mu Isaac, adi re dog biranak so Sarah ngga arong munti sawa, sawa bauh.”

So madin kuu dŭh siŭn dŭh nyunat barang naan anak dari kan umbur ngara mbŭh mai andu, samŭn urun urun adi dog biranak di ramin mu, samŭn urun urun adi miris mu so daya pinami. Anŭ meh adi re jadi tandā simanya adi Aku mbŭh ndai ngga kuu. Barang naan dŭh siŭn dŭh dog nyunat, ka ati re jadi tandā pŭrŭng adi kiren simanya Ku ngga kuu agi tan adu adu.