Popular Bible Verses from Jɛnesis 13

શેર કરો

Meeŋ ta kasawule nɛ fo wu ere kikɛ n sa fo nɛ fo kaman to ebi nɛ k baa la menyeya nna hale mbaanaayɔ.

Eebram nɛ Lɔt ka daŋ barga abar na be kaman nɛ Enyɛnpe Ebɔrɛ na kaŋɛ Eebram le: “Yili kaboŋ nɛ fo wɔ ere m maŋ fo kumu so ŋ keni ŋ kulti kakpa nɛ fo wɔ ere kikɛ.

Kumo be kaman, meeŋ shin nɛ fo kaman to ebi e wora keshi fanɛ kasawule so be shishɛr. Amoso nɛ esa baŋ tiŋ ŋ karga kasawule so be shishɛr, kumo ere e beeŋ tiŋ ŋ karga fo kaman to ebi gba.

Ndoŋ nna nɛ Eebram kaŋɛ Lɔt le: “An la basa koŋwule nna, k maŋ daga kamalga ka wɔ ma nɛ fo be nferinto ŋko fo basa nɛ ma basa ka bee bile ŋkpal kasawule so.

Ndoŋ nna nɛ Eebram tia mbe wajɛbu ŋ kaa n ya chena m mata Mamre be ndibigboŋ na ashi Hibrɔn nseŋ yuu bɔrɛsure a bunyaŋ Enyɛnpe Ebɔrɛ.

Nɛ Lɔt maŋ mbe kumu so ŋ keni n wu Jɔɔdan be ketaŋɛ ka dese n ya fo Zowar, a kɔ nchu nseŋ daa du fanɛ Enyɛnpe Ebɔrɛ be kudɔbi nɛ baa tre Iden na, ŋko Ijipt be kasawule. [Ade kikɛ daŋ wora nna pɔɛŋ nɛ Enyɛnpe mur Sodɔm nɛ Gomɔra be ndegboŋ na.]