Popular Bible Verses from ລູກາ 6

શેર કરો

ຈົ່ງ​ໃຫ້​ເຂົາ ແລະ​ພຣະເຈົ້າ​ຈະ​ຊົງ​ໃຫ້​ເຈົ້າ ແລະ​ໃນ​ຕັກ​ຂອງ​ເຈົ້າ ຈະ​ໄດ້​ຮັບ​ຕວງ​ດ້ວຍ​ເຄື່ອງ​ຜອງ​ຍັດ​ສັ່ນ​ລົງ​ແໜ້ນ​ເຕັມລົ້ນ ເພາະວ່າ​ພວກເຈົ້າ​ຈະ​ຕວງ​ໃຫ້​ເຂົາ​ດ້ວຍ​ເຄື່ອງ​ຜອງ​ອັນ​ໃດ ພຣະເຈົ້າ​ຈະ​ຊົງ​ຕວງ​ໃຫ້​ພວກເຈົ້າ​ດ້ວຍ​ເຄື່ອງ​ຜອງ​ອັນ​ນັ້ນ.”

ຄົນ​ດີ​ຍ່ອມ​ເອົາ​ສິ່ງ​ດີ​ອອກ​ມາ​ຈາກ​ຄັງ​ດີ​ແຫ່ງ​ໃຈ​ຂອງຕົນ ຄົນຊົ່ວ​ຍ່ອມ​ເອົາ​ສິ່ງ​ຊົ່ວ​ອອກ​ມາ​ຈາກ​ຄັງ​ຊົ່ວ​ແຫ່ງ​ໃຈ​ຂອງຕົນ ເພາະວ່າ ໃຈ​ເຕັມ​ລົ້ນ​ດ້ວຍ​ສິ່ງໃດ ປາກ​ກໍ​ເວົ້າ​ສິ່ງ​ນັ້ນ​ອອກ​ມາ.”

ຈົ່ງ​ຮັກ​ສັດຕູ​ຂອງ​ພວກເຈົ້າ ຈົ່ງ​ເຮັດ​ດີ​ຕໍ່​ພວກເຂົາ, ຈົ່ງ​ໃຫ້​ພວກເຂົາ​ຢືມ​ໂດຍ​ບໍ່​ຫວັງ​ຈະ​ໄດ້​ຮັບ​ຄືນ ແລ້ວ​ພວກເຈົ້າ​ກໍ​ຈະ​ໄດ້​ບຳເໜັດ​ອັນ​ຍິ່ງໃຫຍ່ ແລະ​ພວກເຈົ້າ​ກໍ​ຈະ​ເປັນ​ລູກ​ຂອງ​ພຣະເຈົ້າ​ອົງ​ສູງສຸດ ເພາະວ່າ​ພຣະອົງ​ຍັງ​ຊົງ​ໂຜດ​ແກ່​ຄົນ​ເນ​ລະ​ຄຸນ​ແລະ​ຄົນຊົ່ວ.

ເຈົ້າ​ທັງຫລາຍ​ຈົ່ງ​ມີ​ຄວາມ​ເມດຕາປານີ ເໝືອນ​ຢ່າງ​ພຣະບິດາເຈົ້າ​ຂອງ​ພວກເຈົ້າ ຜູ້​ຊົງ​ມີ​ຄວາມ​ເມດຕາປານີ.”

“ຢ່າ​ຕັດສິນ​ຄົນອື່ນ ແລະ​ພຣະເຈົ້າ​ຈະ​ບໍ່​ຕັດສິນ​ພວກເຈົ້າ ຢ່າ​ກ່າວໂທດ​ຄົນອື່ນ​ເພື່ອ​ພຣະເຈົ້າ​ຈະ​ບໍ່​ກ່າວໂທດ​ພວກເຈົ້າ ຈົ່ງ​ຍົກໂທດ​ໃຫ້​ຄົນອື່ນ​ເພື່ອ​ພຣະເຈົ້າ​ຈະ​ຍົກໂທດ​ໃຫ້​ພວກເຈົ້າ.

“ແຕ່​ເຮົາ​ບອກ​ເລື່ອງ​ນີ້​ແກ່​ພວກເຈົ້າ​ທີ່​ໄດ້​ຟັງ​ເຮົາ​ວ່າ, ຈົ່ງ​ຮັກ​ສັດຕູ​ຂອງ​ພວກເຈົ້າ ຈົ່ງ​ເຮັດ​ດີ​ແກ່​ຜູ້​ທີ່​ກຽດຊັງ​ພວກເຈົ້າ, ຈົ່ງ​ອວຍພອນ​ຄົນ​ທີ່​ປ້ອຍດ່າ​ພວກເຈົ້າ ແລະ​ຈົ່ງ​ພາວັນນາ​ອະທິຖານ​ເພື່ອ​ຄົນ​ທີ່​ຂົ່ມເຫັງ​ພວກເຈົ້າ.

ເຈົ້າ​ຢາກ​ໃຫ້​ຄົນອື່ນ​ເຮັດ​ຢ່າງ​ໃດ​ແກ່​ເຈົ້າ ຈົ່ງ​ເຮັດ​ຢ່າງ​ນັ້ນ​ແກ່​ເຂົາ​ເໝືອນກັນ.”

ຖ້າ​ຜູ້ໃດ​ຕົບ​ແກ້ມ​ເຈົ້າ​ເບື້ອງ​ໜຶ່ງ ຈົ່ງ​ປິ່ນ​ໃຫ້​ລາວ​ຕົບ​ອີກ​ເບື້ອງ​ໜຶ່ງ ຖ້າ​ຜູ້ໃດ​ຍາດ​ເອົາ​ເສື້ອ​ຊັ້ນນອກ​ຂອງ​ເຈົ້າ​ໄປ ຖ້າ​ເຂົາ​ຈະ​ເອົາ​ເສື້ອ​ຊັ້ນ​ໃນ​ກໍ​ຢ່າ​ຫວງຫ້າມ. ຈົ່ງ​ໃຫ້​ແກ່​ທຸກຄົນ​ທີ່​ຂໍ​ຈາກ​ເຈົ້າ ແລະ​ຖ້າ​ຜູ້ໃດ​ເອົາ​ສິ່ງ​ຂອງ​ເຈົ້າ​ໄປ ຢ່າ​ສູ່​ທວງ​ຖາມ​ເອົາ​ຄືນ.

“ຕົ້ນໄມ້​ດີ ບໍ່​ຫ່ອນ​ເກີດຜົນ​ບໍ່​ດີ ແລະ​ຕົ້ນໄມ້​ບໍ່​ດີ ກໍ​ບໍ່​ຫ່ອນ​ເກີດຜົນ​ດີ.

ຕົ້ນໄມ້​ທຸກ​ຕົ້ນ​ຍ່ອມ​ຮູ້​ໄດ້​ດ້ວຍ​ຜົນ​ຂອງ​ມັນ ພວກເຈົ້າ​ບໍ່​ຫ່ອນ​ເກັບ​ໝາກ​ເດື່ອເທດ​ຈາກ​ຕົ້ນ​ມີ​ໜາມ ແລະ​ບໍ່​ຫ່ອນ​ເກັບ​ໝາກ​ອະງຸ່ນ​ຈາກ​ເຄືອ​ໜາມ.