Popular Bible Verses from Chivkeeb 3

શેર કરો

Tug quaspuj pum tas tsob ntoo ntawd zoonkauj hab tej txiv ntxim qaab kawg le, hab nwg xaav tas tej txivntoo ntawd tseem yuav ua rua nwg ntse ntxiv hab. Tes nwg txawm moog dle ib cov lug noj hab nwg kuj muab rua nwg tug quasyawg kws nrug nwg nyob ntawd noj hab.

Naab yog tug tsaj kws ntse tshaaj txhua yaam tsaj qus kws tug TSWV kws yog Vaajtswv tau tsim lug. Naab txhaj nug tug quaspuj has tas, “Vaajtswv yeej txwv kuas meb tsi xob noj txhua yaam txivntoo kws nyob huv lub vaaj nuav tag lov?”

Kuv yuav ua kuas koj hab tug quaspuj nuav sisntxub; koj caajceg hab nwg caajceg yuav ua yeebncuab moog le. Nwg tug xeebntxwv yuav tsoo koj taubhau kuas ntsoog, hab koj yuav tum tug xeebntxwv ntawd lub laujtaws.”

Vaajtswv has rua tug quaspuj tas, “Kuv yuav tsub teebmeem ntau heev rua koj thaus koj suab mivnyuas hab thaus koj yug mivnyuas yuav mob koj heev. Txawm le ntawd los koj txuj kev ntshaw yeej tseem yog rua koj tug quasyawg, hab nwg yuav ua tug tswjfwm koj.”

Koj yuav siv zug khwv txug lub fws nrug mas koj txhaj muaj noj muaj haus moog txug thaus koj rov moog rua huv cov aav kws siv lug puab koj. Koj yog tsim lug ntawm aav, tes koj yuav tau rov moog ua aav.”

Vaajtswv has rua Adaas has tas, “Vim koj noog koj tug quaspuj lug hab noj cov txiv ntawm tsob ntoo kws Kuv tau xaaj tsi pub koj noj. Vim koj tau ua le ntawd aav txhaj raug foom phem. Koj yuav tau siv zug khwv moog taag simneej mas koj txhaj yuav muaj noj muaj haus.

Vaajtswv nug has tas, “Leejtwg has rua koj tas koj labqaab? Puas yog koj noj tsob txivntoo kws Kuv xaaj tsi pub koj noj ntawd lawm?”

Thaus Vaajtswv muab nwg ntab tawm lawm, Vaajtswv tso ib cov khelunpees hab muaj ib raab ntaaj nplaimtawg kws tig tau rua txhua phaab lug zuv lub Vaaj Edees saab nubtuaj, tsi pub leejtwg moog tau ze rua ntawm tsob txivntoo kws ua rua muaj txujsa.

Adaas tis nwg tug quaspuj npe hu ua Evas, ruaqhov nwg yog txhua tsaav tuabneeg leejnam.