Popular Bible Verses from Chivkeeb 13

શેર કરો

Kuv yuav muab taagnrho lub tebchaws kws koj qhovmuag pum pub rua koj hab koj cov xeebntxwv, hab lub tebchaws ntawd yuav yog koj tug moog ibtxhis le.

Tom qaab kws Lauj ncaim lawm, tug TSWV has rua Anplaas has tas, “Koj tuaj ntawm qhov chaw kws koj nyob ko, tsaa qhovmuag ua tuab zoo saib moog rua saab qaabteb hab qaumteb, nubtuaj hab nubpoob.

Kuv yuav pub kuas koj muaj xeebntxwv coob heev kws tsi muaj leejtwg yuav suav txheeb le, yog leejtwg suav txheeb tej moov aav huv nplajteb nuav, mas txhaj yuav suav txheeb koj cov xeebntxwv!

Anplaas txhaj has rua Lauj tas, “Wb yog kwvtij txiv tub tsi tsimnyog ca koj cov tuabneeg hab kuv cov tuabneeg sis caav sis tshe le nuav.

Yog le ntawd, Anplaas txhaj le tsiv tawm ntawm thaaj chaw ntawd hab moog tsaa tsevntaub nyob ze tsob ntoo xeeb ntawm thaaj chaw Maales huv lub nroog Henploos, hab thaus nyob ntawd nwg teeb tau ib lub thaaj ua chaw fij khoom rua tug TSWV.

Lauj tig saib ibncig ntawd hab pum taagnrho lub Haav Yauladees moog thoob plawg rua ntawm Xau-as, mas muaj dlej txhawv txhua qhov, ib yaam le tug TSWV lub Vaaj lossis zoo ib yaam le lub tebchaws Iziv ntaag. (Lub sijhawm ntawd yog ua ntej tug TSWV hlawv lub nroog Xaudoos hab lub nroog Kaumaulas.)