Popular Bible Verses from 'Lu 13

શેર કરો

A po 'de 'kpih, a 'ye 'de :kpaa' :or se-a 'worn dih 'beh bo ka :yi-dih:. Deh no-eh, 'an zela a :gwluhuh', nyor⧾ :dhulu', mo-: :an mu 'de 'kpih :po, on 'ye 'de :yi-dih:. Jorwor: on :se-eh' no-a' 'beh-dih: i.

:Yee' 'nynor :due', or-: :ne 'de, or-: 'kwla 'ye-dih-deh :nea-dih:, 'do zon⧾-a' :bhue: 'yor :meheh' na 'di. 'De eh no-eh, or 'kli, or se dih :nyna-eh 'beh-dih:. :Yeh :Yusu' 'ye-or, :yee' or 'da-or 'do or bo, 'de or :wlu 'de or bo, or 'dae:, 'Nynor, :on 'puh-'.

'De or tba-or son⧾ ken dih. :Yeh or tba-or son⧾ ken dih, :yee' 'do :dha :due' :dao', or :nyna dih, 'de or po Nyorsoa-a' 'nyne ya.

A :gbee'e:. Nyor⧾ :yuh :a 'da-dih-a nyor⧾ 'zeehn :naa, mo-: :an mu nyor⧾ :klaba'⧾ :no 'de ybei'. :Yee' :yuh :a 'da-dih-a nyor⧾ :klaba'⧾ :naa, an-a' 'jeh :dao', mo-: :an mu 'zeehn :no 'de ybei'.

Jorwor: :mor 'gbu :korn-nyor :sorn-', 'de or 'ye 'o :kpaa' po, :yee' a mu dih :nyna 'de 'zorn, 'de a 'ye :kpaa' bla, a 'ye-or' bale:, a 'ye :ao', Nyor :klaba', :za :a :kpaa' 'i. Jorwor: or mu :ao', 'On se a yubo:. 'De mor 'on se :dha a 'wluh-a yubo:.

'Kei:. 'An zela a :gwluhuh'. Jorwor: :mor a se a-a' deh⧾-zon⧾ dih 'tali:, 'de a 'ye :ao', a se 'de Nyorsoa bo 'bili:, :yee' a-a' klehkpeh, a mu gbe :zie: :ke.

Jorwor: or mu :ao' 'da-:, 'An zela a :gwluhuh', 'on se a yubo:. 'De mor 'on se :dha a 'wluh-a yubo:. A 'wluh 'o 'on ybei', a :mor deh⧾-zon:⧾ :no-nyor⧾-a' klehkpeh :daa.

:Yee' :Yusu' dhele-uh-: dih, or 'dae:, :Kaa Nyorsoa-a' nyor⧾ wlu 'ken :korn-eh :ne :eh? Deh 'an mu-eh 'i :po-dih: :eh? Eh gweh :zlaan'-a' 'yor-eh: :eh 'yu :due' 'duo:-a, 'de or gba-a 'de or-a'a: 'dhuu'-deh⧾ 'nyne-'. 'De eh ku, eh no :zlaan'-gan: :kolu'. :Yee' neme: :en zi-dih-a-' dih 'de yai', me-: po 'dle⧾ 'do eh-a' 'gabuh⧾ 'nyne-'.