Popular Bible Verses from Yozhanq Saw 6

શેર કરો

Yehsuh han naeuz: “Gou couh dwg gij gw hawj vunz miz mingh he lo. Gaep haeuj gou hih vunz gaengjdingq mbouj rox iek; sinq gou hih vunz seiqseiz mbouj rox hozhawq.

Hawj vunz miz mingh hih dwg Hoenzsaenz Cangqdiq, mbouj dwg ndangnoh; ndangnoh mij'z yungh. Gou doiq faenhsou soj gangj hih vah cungj dwg gangj daengz Hoenzsaenz Cangqdiq hawj vunz ndaej miz mingh hih.

De vanzlij caiq naeuz: “Faenhsou gaejyungh vih gij gw gij rox naeuh rox lanh hih hwj roengzrengz, dauq ij vih Vunz dih Daiqbiuj soengq hawj faenhsou hih seiqseiz mbouj rox naeuh hih gij gw hwj roengzrengz guh hong cij deng, aenvih Vunz dih Daiqbiuj dwg Cangqdiq Bohmbwn nginh hih, cingqmingz hih.”

aenvih gij iqswh boh gou couh dwg naeuz, hawj sojmiz raen daeglwg de couh sinq de hih vunz couh ndaej seiqseiz lix, caemh youq ngoenz gatsat he, gou ij hawj gyoengqde dauqlix.”

Yehsuh han naeuz: “Sinq Cangqdiq baij daeuj hih boux mwnq, couh dwg guh gij hong Cangqdiq lo.”

Famz boh soengq hawj gou hih vunz, gaengjdingq daeuj gaep haeuj gou; gaep haeuj gou hih vunz, gou gaengjdingq mbouj vwt de

Yiengq Sihmaenz-Bijdwz han naeuz: “Bouxcawj gou hax, raeuz mbouj gaen mwngz, ij gaen byawz? Caenhgag mwngz cij ndaej naeuz raeuz ni ndaej seiqseiz lix hih gij siuhsiz neix hah!

Gou couh dwg daj gwnzmbwn roengz daeuj hih gij gw miz mingh; vunz gw gij gw neix couh ndaej seiqseiz lix. Gou hawj hih gij gw couh dwg gij noh gou, muzdiz dwg ij hawj vunz ndaej miz mingh hih.”

Hauhnaeuz mbouj dwg baij gou daeuj hih daxboh iuyinx vunz, couh mij vunz ndaej gaep haeuj buek vunz gou. Gaep haeuj buek vunz gou hih, daengz ngoenz gatsat, gou couh hawj de dauqlix.

aenvih Cangqdiq hawj hih gij gw dwg daj gwnzmbwn coengq roengzdaeuj he, dwg hawj lajmbwn sojmiz hih vunz miz mingh he.”

Gou couh dwg miz mingh hih gij gw.

Gyoengq vunz naengh roengzma le, Yehsuh couh dawz menqbauh hwnjdaeuj docih Cangqdiq, couh faen hawj gyoengq vunz gw. Caemh doxdoengz, de caemh dawz bya faen hawj gyoengqde gw; gyoengq vunz caemh ndaej seizbienh gw. Gajlaeng gyoengqde gw imq le, Yehsuh couh doiq doengh boux lwgsae de naeuz: “Dawz doenghheij menqbauh gw lij lw he coux hwnjdaeuj. Mbouj ndaej langqfeiq.”

Gyoengq lwgsae buekmingh vad ruz. Yiengq daihgaiq vad bae ndaej daengz cib lai leix gyae yienghneix le, sawqmwh gyoengqde yawjraen Yehsuh youq gwnz raemx cingq yiengq aen ruz gyoengqde byaij daeuj. Gyoengqde raen le, cungj lau hwj ij rai bae. Yehsuh raen yienghneix le, couh majcangq doq vued gyoengqde naeuz: “Gaejyungh lau; dwg gou lah!”