Popular Bible Verses from Yohana 21

શેર કરો

E bama de ba yɛnɛ rê pyɛ́, Yɛsu a yâng Simɔn Bitrus, “À Simɔn, hwêy Yohana, hwà tɛ̀ yey na me hwo dal mɛ̀ vemo arɛt?” Bitrus a yang ɛ, “Ey, à Darwey, hwà tɔk, me simi hwo.” Yɛsu a yang ɛ, “Bɛrɛng nèy tyīmit hom naka.” A to yang ɛ hê neba, “À Simɔn, hwêy Yohana, hwà tɛ̀ yey na me arɛt?” A toyo a yɛ, a ye, “Ey, à Darwey, hwà tɔk, me simi hwo.” Yɛsu a yang ɛ, “Gyenges tyīmit hom.” A to yang ɛ hê netat, “À Simɔn, hwêy Yohana, hwó simi me arɛt?” Bitrus a lashe yey, yaga Yɛsu a rangal hɛ hê netat, “Hwó simi me arɛt?” A yang ɛ, “À Darwey, hwà tɔk kayɛ pyɛ, hwà tɔk, me simi hwo.” Yɛsu a yang ɛ, “Bɛrɛng tyīmit hom naka.

Tsak o mwin me ha a hwo: Jeng de hwá rɔngɔl wen, hwá kana tɛ̀sɛ yɔ̀m mō pyɛ mō, ko hwá kyě kyè vɔk e kahɛ kwɔn de hwá simo. Ko jeng de hwô kwop, hwà rɔda nára vɔ mō, ko mwat hwak a rɔda tɛ̀ a hwo yɔ̀m mō na a kyè na hwo vɔk e kwɔn de hwó simo wɛt.”

A yang ɛn, “Barak hin segun min e vwɔ yegê dwa-nshi mo, ko yin ê sɛ̀ vɛ.” Ano, yɛn a barak segun o, ko yɛn a vos betɔk o pyak, yɛn a tɔk hwɔshɔ segun o wɛt, yaga betɔk o ba kat.

Simɔn Bitrus a yâng bemɛn, “Ma sé kyè wɔ̀ vos betɔk.” Ko yɛn a yang ɛ, “Wot ê wɔ tanga hwo arɔng.” Yɛn a nusu, ba yel e ji dwa-nshi, ko mwa naturuk nane yɛn a vo pyɛ cak wɛt.