Popular Bible Verses from Yohana 15

શેર કરો

“E me de ma sé cɔgɔ̂t anap, ko yin a sé nelang o. Ka sede mwat e nàra e ji sangâl nesa na me, ko me, me nàra e ji sangâl nesa na yɛ, ko a rɔda sè sede lang de he tɔs nèy pyak, yaga yin e tɔk ra pyɛ cak wɛt, sɛ̌ yin a sé tanga me.

Nàra hin e ji sangâl nesa na me, ko me arɔng mê nàra e ji sangâl nesa na yin. Lang he tɔk tɔs nèy pyɛ hɛ wɛt, sɛ̌ ha nàra e ji retîn cɔgɔt o. Ano arɔng, yin e tɔk ra pyɛ cak wɛt, sɛ̌ yin a nàra e ji sangâl nesa na me.

Ka sede yin e nàra e ji sangâl nesa na me, ko neha hom ne nàra e neyey min, ko yin ê tɔk ra wôn kayɛ pyɛ de yin e simo, ko bê nɔng in yɛ.

A sé e yin vɛ de yin a kasa me wɛt; ko a sé e me wɛ de ma kasa hin, na me tɛ̀ in na yin a wɔ̀ ra pyɛ́ ryat pyak yerê yemo de yê ros. Ano kwong, Da hom a rɔda nɔng in kayɛ pyɛ de yin e ra wôn yɛ e ji reza hom.

Vit a mwat de a vɔk tɛ̂ yey de ha dal hemo, hɛ à mwat a nɔng neken mɛ yaga besa mɛ.

Kahɛ lâng cɔgɔt de he tɔs nèy wɛt, e kwɔrɔ hɛ na a bomo. Ko kahɛ lang de he tɔs nèy, e yong hɛ naka, yaga na he gwɛ̌ tɔs nèy.

Redu de me nɔng in a ret ngan: Tɛ̀ in yey na bemin, tyɛng sede remo de ma tɛ̀ yey na yin.

Pyɛ de yê tɛ̀ be di gbɔng nerêy Da hom a yet: Yin a sè sede nelang cɔgɔt de ne tɔs nèy pyak. Ka sede yin e ra ano, ko bemat bê tɔk, yin a sé bemât raa hom.

Yɛsu a ye, “E me de ma sé tsak retîn cɔgɔ̂t anap. Da hom a sé mwât fwôm bwi.

Ka sede mwat e nàra e ji sangâl nesa na me wɛt, ko a sé sede lâng cɔgɔt de ba kwɔrɔ hɛ na be bomo hɛ, ko he hworok. Be tula nelang yerê nemo mo, be bomo nɛ e kya, ko kya he re nɛ.

“Ma ga ha a yin pyɛ́ yemo, yaga na yin a vɔk yerê yey pyɛng de ma vɔk, yaga na yey pyɛng min ye sila hɛ ding-ding arɔng.

Ka sede yin e gyeng badu hom, ko ma rɔda re nuyel na tɛ̂ yey na yin, tyɛng sede remo de ma ga gyenges badu Da hom, ko yɛ e re nuyel na tɛ̂ yey na me.

Ma sé nɔng in redu remo ngan: Tɛ̀ in yey na bemin.”

Ka sede yin a yâng sé bemât jey yemo, ka bemât jey o ba yâng simo hin sede bemɛ̀n. Ko ma ga kasa hin yi e ji bemât jey o, ko yaga ano, yin a sé vê jey yemo wɛt. Pyɛ ma yemo de ya tɛ̀, bemât jey o be kyɛ́ ɛn hin.