Popular Bible Verses from Matayu 12

શેર કરો

“Na iwa ŋidanbe, ma wakon ma wakon kaiwe naso qoiqoine, eyao ŋei ŋerep korop eŋe don kine kine yau yaup raraine, korop ra gekoi, eya wane don urata makei. Ŋinŋine donŋine eyaŋoka baŋ kine ma wakoniyake. Ma wakongi, sotŋine midaine okanikei, me ma wakongi sot korop okanikene.”

Ŋine koma borikinane dokoine, ŋine borikine geu paki mo daleo don maine rakei? Wetŋine borikineŋo watke pamaike, eyaka aŋaŋo ra okanmaike.

Ŋei maine eŋe dereretine maine kotino pamaike, eya wane eŋe masi tanik maine okan okanmaike. Ŋei borikine mane eŋe dereret qotkoine loutne kotino pamaike, eya wane eŋe masi tanik qotkoine ma okanmaike.

Eya wane na ŋidanbe detpi, ŋei eŋe borikine kine kine natne makei, so don borikine natne rakei, eya wane turuŋene yemo Kaisaleŋo maine bira eboniyake, ŋo ŋei mane eŋe Asu Koboboine eŋane ra more don borikine rayake, yemo sotinane turuŋine mane Kaisaleŋo maine mi biraka maniyake.

“Eki wele maine yemo kine, kebaŋine qogine mi seuseune so mi takele bori more gununutne, yemo wele bile qe okanmaike. Eŋe kepo ŋine ŋara bile waraŋ-maikane. Eki welaine eŋe ka more simile dere warekaki wele qeki mane okanmaike, ŋo eki mane eŋe kine sip me samugon edo qekei. Yemo wele mi qe more, metine takele posiki kaki bauine wayake. Eki mane wane kine yemo wele qemaike, eyao ka more desikene.